Gəlyaɗe 112 - Bible en Guidar

Əssa fendeŋ net məs dətafaŋgə

¹ Məɗi ki Yawe. Wəzaɓ aka ɗəf məgeslne' sən Yawe mənneken zən diyɗa dit mahenziŋɗe nani.

² Mazlalwãn wasan gboŋgboŋ aka dəlva, kirtit ɗiy təstəs warahaŋ əzaɓa.

³ Wərəha, arya tay ananda, təstəs nan wasan hã faɗə.

⁴ Əkekeɓe akekeɓe'ək ara guzli viyit ɗiy en təstəsə. Məgəɗ moggoni, muwəl sasãhĩ, təstəsi yi.

⁵ Moggoni an ɗəf tay ulasasãhã gəm əpsit dəmən sit ɗiyi: wadawgən wəza nan də tiveni:

⁶ vi aɓəl na ɓa hã faɗə, hã faɗ kaɗɗumoni wən na ɗəf an təstəs.

⁷ Ageslne' sən na wən mbərayən ɓa; makran wavoŋgu əɗɗum nan wasan aka Yawe;

⁸ makran awzla ɓa, tay an adawgeslne' sən ɓa, hã gap ndən ula əskot net məzuseɓɗe nani.

⁹ Apsitik məssehẽŋɗe də van viŋŋge: təstəs nan tay hã faɗə, wadaŋ kiyən də gagdaka.

¹⁰ Məsdaraw ulani gədəvən əda, ndən əmpəran slayni, sam ɗarə: əɗɗum net məsdarawɗe wakkpaŋ ɗarə.