Gəlyaɗe 110 - Bible en Guidar

Məlĩ məsdəlva

1 Gəlyanalva na Davit.

¹ Gəlyanalva na Davit. Yawe aɗiyman aza Daya naw na: «Asok aka dəzəŋ nawa, hã gap an nəvoŋgitik məzuzelɗe nok ammba təlko!»

² Yawe watəl zleŋge na məlĩ nok hã sə Siyon! Azəm məlĩ a waleŋgit məzuzelɗe noko!

³ Na mekret ɗiy noki yi gala gbogboŋ nok adarba də gagdak salala, gewleɗ azzoŋ azok va minɗe məs dəziyaŋ də bapummo.

⁴ Yawe aswayka, addəɗan na mam ɓa: «Məsdələv kənan hã faɗ va na Melkisedek.»

⁵ Yawe tay aka va dəzəŋ noko: ammussik milyeŋge aka pay ədagədəv nani;

⁶ tay ətawwən a waleŋgit ɗiy-ɗarə; kigəbay tay gidif gidifi, ammussik ɗiy en nabe, səka dələv metiŋgini.

⁷ Sə lolohõ adawsa iŋkile tive tive, vini adawsilgən kini.