Gəlyaɗe 11 - Bible en Guidar

Ula na va pak azəka

1 Səza daya net məyaŋgəlya. Na Davit.

¹ Səza daya net məyaŋgəlya. Na Davit. Aza Yawe nədawɗama. Mbar kədawnahaŋ suwən na: «Anzok aka mossorgo metiŋ nok va hunzurku di?»

² Vi məsdarawɗe yeŋ ənslineŋ bəle, aɗiynənək har net aka tetemble, vi kawhõn ara guzli aket ɗiy məs mekret barə.

³ An əsərək azək na, mi ɗəf təstəs adaɗɗa di?

⁴ Yawe tay addəv Gəla nan salala; mazaŋga na məlĩ na Yawe a disiŋgi. Haran tay əsəŋgləkan təkiya, də wəzi haran ula an ɗəf adaɗɗa.

⁵ Yawe tay əɗi ki ɗəf təstəsə; tay əzelen məsdaraw gəm məs dəŋgəl gagay.

⁶ Dəki əhay na buwən aket məsdarawɗe! Offo, busuk gəm əzəmsahã, haran net yas adawgaŋgə!

⁷ Vi Yawe təstəsi yi; wəzeɗe en təstəs adaŋgla, ɗəf məs makran barə wawla harani.