Əŋɗa 2 - Bible en Guidar

Va mahəlfaɗe adawzinən gəla a dibirgidiki

¹ Yawe apel sitik may Moyis də Aron na:

² «Mə Israyel dəteheŋgə naway di pak ammba gabaga na ŋgaɓa net məzəlpaŋ nani gəm ammba gabaga na mahəlfa nani, sulək kiy gizlirke nalma də Maŋgəlva məza azan hãsl ɓa.

³ Kəlabe dəmmba pay nampum na gabaga, ŋgaɓa net məzəlpaŋ na dibirgidik na Yuda də teheŋgən adaka. Daya net kirtin Yuda, ndəni Nasoŋ wət Aminadab;

⁴ ŋgaɓa net məzəlpaŋ nan tay dit zel 74 600.

⁵ En nawteheŋ a maŋgavan na: mahəlfa na Isakar gəm na Zabulon. Daya net kirtin Yisehar na ndəni Netanel, wətən Suwar;

⁶ ŋgaɓa net məzəlpaŋ nan tay dit zel 54 400.

⁷ Daya na zev Zabulon: Eliyab, wətən Helon;

⁸ ŋgaɓa net məzəlpaŋ nan tay dit zel 57 400.

⁹ Sap net sə dibirgidik na Yuda na: 186 400 net ŋgaɓet net məzəlpaŋ hokogiti. Dədoŋgən daabəŋ.

¹⁰ A dohoŋ na, dibirgidik na ŋgaɓa net məzəlpaŋ na Ruben də gabaga neti. Daya net kirtin Ruben na Elisur wətən Sede'ur;

¹¹ ŋgaɓa net məzəlpaŋ nan tay dit zel 46 500.

¹² En nawteheŋ a maŋgavan na: mahəlfa na Simeyon gəm mahəlfa na Gad. Daya net kirtin Simeyon na ndəni Selumiyel wətən Surisaday;

¹³ ŋgaɓa net məzəlpaŋ nan tay dit zel 59 300.

¹⁴ Gəm daya na zev Gad: Elyasaf wətən De'uwel;

¹⁵ ŋgaɓa net məzəlpaŋ nan tay dit zel 45 650.

¹⁶ Sap net sə dibirgidik na Ruben na: 151 450 net ŋgaɓet net məzəlpaŋ hokogiti. Dəssoŋgən ma sula nawmbata.

¹⁷ Səbbərəŋ na, gizlirke nalma də Maŋgəlva dədawmbata, dibirgidik net mə Leviɗe dəssangən addekit dibirgidikɗe. Kawmbat də əzban va əteh adawsani, naway di pak a gəlani, ŋgaɓa dərɓaga ŋgaɓa.

¹⁸ Dəmba pay na moskoy na, dibirgidik na ŋgaɓa net məzəlpaŋ na Efrayim. Daya net kirtin Efrayim na ndəni Elisama, wətən Ammihut;

¹⁹ ŋgaɓa net məzəlpaŋ nan tay dit zel 40 500.

²⁰ En dəzbanən na: mahəlfa na Manase. Daya net kirtin Manase na ndəni Gamaliyel wətən Pedasur;

²¹ ŋgaɓa net məzəlpaŋ nan tay dit zel 32 200.

²² Daya na zev Benyamin na ndəni Abidan wətən Gideyoni:

²³ ŋgaɓa net məzəlpaŋ nan tay dit zel 35 400.

²⁴ Sap net sə dibirgidik na Efrayim na: 108 100 net ŋgaɓet net məzəlpaŋ hokogiti. Dəssoŋgən mohoko'o nadda.

²⁵ Tapaslay kəla disiŋ na, dibirgidik na ŋgaɓa net məzəlpaŋ na Dan. Daya net kirtin Dan na ndəni Ahiyezer, wətən Ammisaday;

²⁶ ŋgaɓa net məzəlpaŋ nan tay dit zel 62 700.

²⁷ En nawteheŋ dənndən na: mahəlfa na Aser gəm mahəlfa na Neftali. Daya net kirtin Aser na ndəni Pagiyel wətən Okran;

²⁸ ŋgaɓa net məzəlpaŋ nan tay dit zel 41 500.

²⁹ Daya na zev Neftali na ndəni Ahira wətən Eynan;

³⁰ ŋgaɓa net məzəlpaŋ nan tay dit zel 53 400.

³¹ Sap net sə dibirgidik na Dan na: 157 600. Dəmbataŋgən dirɓe faɗə. Ŋgaɓa dərɓaga ŋgaɓa.»

³² Sap net mə Israyelɗe, məŋɗet aza mahəlfa net gərak sə dibirgidikɗe azet ŋgaɓeɗ net məzəlpaŋ net yeŋki: agəɗək 603 550.

³³ Mə Leviɗe dətoŋgoŋ addəv əver net mə Israyelɗe ɓa; Va Yawe aɗi wən nan sən Moyis.

³⁴ Aŋki mə Israyelɗe aɗɗaŋgə də əzban va Yawe aɗi wən nan sən Moyis: ateheŋ əzban aza ŋgaɓa net məzəlpaŋgə, adaddoŋ əzban aza mahəlfa gəm aza məlma na ziti.