2Yohanna 1 - Bible en Guidar

Ətoŋ addəvən ( 1-3 ) Əsɗa

¹ Səza ɗəf məsɓan, sət ɗak muwelta, akən nəŋgəl gesiŋgesiŋ gəm sit kirtita. Intə nəŋgulwət kaka ɓa dit ɗiy məs də əsən na gegesiŋ paki.

² Vi gegesiŋ məs dəsan addəvəm gəm nawsan də mənam hã faɗə.

³ Mbəlembəle, ulasahã gəm zazay na Maŋgəlva Afəni gəm na Yesu Kristu Wətən Afən wassoŋ də mənam addəv gegesiŋ gəm əŋgla.

Əday na əŋgla ( 4-6 ) Gesiŋ gəm əŋgla

⁴ Makraw annekik sawɓa vi nərahək səret kirtuk məs dədawdawaŋ addəv gegesiŋ, va mahenziŋ mərah səza Afəni.

⁵ Ya kakaŋ na in tat əkkomoko ɗakə, mahenziŋ meleketen nədawver suk ɓa, an məs mərah far də ətəŋgi məŋglu səm zəmə.

⁶ Aŋki əŋgla, mədawgən va aza mahenziŋ nani, vaski kəprəmən far də ətəŋga, vi kədawaŋgən addəvən.

Əzga' aka wən na əyak mbərayən ( 7-11 )

⁷ Vi muwaŋ tepelkeɗ tahəŋ aka dəlva. Dəŋgereŋ ətafən na Yesu Kristu adek də gəɓa zəni ɓa. Aski dədarban məwə tepelke gəm məzuzel na Kristu.

⁸ Məzi zukum vi kədawzanən ətərwəray na wəza nam vikum ɓa, kərəhaŋgən əfaɗ na iya nokum gərakə.

⁹ Ɗəf məs dəmbat abe, dəsan addəv əyak na Kristu ɓa, tay də Maŋgəlva ɓa. Ya ɗəf məs dəsan addəv əyakəŋka, tay də Afəni gəm də Wətəni.

¹⁰ An ɗəf adek anokumda, an əyakəŋ aki ɓa, kədawtafən anokumda ɓa kədasɗanən ɓa.

¹¹ Ɗəf məs dəsɗani tay əsap də wəza nan mbəraynəŋka.

Əgrakən ( 12-13 ) An duwəl dərɓedərɓe

¹² In tat dit zəgeɗ diyɗa nawver sukum, ya nəŋgəl əverin aka ɗerewel də iŋkile nawver ɓa, vi in tat əɗɗum nawmbat anokumda, məpelgən maw də mokum, vi ənnek nam dəknahgəni.

¹³ Kirtət məlmuk məs məwelit nakə, asɗokunko.