1Tesaloniki 3 - Bible en Guidar

¹ Vi vaski məɓap kawɓəsən əmpa ɓa, mulak na moggoni dəppamgən takərgəm a Aten.

² Yaŋ məslən Timote məlməm məgəɗ wəza na Maŋgəlva addəv Alabara Nenek na Kristu, vi dəɓɓəlokumgəni gəm dəsɓokumgən addəv ətaf nokum,

³ vi ɗəf taka səmbokum adamzlə sən wən na tatwãh dərəhəməŋ ɓa, vi nokum van kəsənənka, ndəni ərəh namə də əŋgla na Maŋgəlva.

⁴ Vi vaski aka məsam anokumda, mənah sukumuk daabəŋ nan na, nam kawzəmgəmi sahã, vaski agəɗə, kəsənənək lewlewi.

⁵ Sən aski nəɓap əmpa ɓa, nəslən vi nəsəngən wən na ətaf nokum, nam mənahək na, kuzuŋ Satan arokokumək soko, vi wəza nam adawsan ɗar mekeleŋ ɓa.

⁶ Ya kakaŋ Timote ade səmək sə nokum da, anah səmək alabara moggon na ətaf nokum də əŋgla nokum, annekək zəmə. Anahək na: Mənokum tat əɗɗum akam hã kakaŋ. Mokum tay sirsir aka uləm va mam asan akokum.

⁷ Sən ətaf nokum milmiŋgiɗwa, mərahək gbogboŋ a makram addəv tatwãh namə də əzəmsahã nam pakə.

⁸ Kakaŋ na madaram mənani adan nokum mənokum tat ɓəlɓəl addəv əsap də Daya.

⁹ Mə əsoko mi mədawgəɗ sən Maŋgəlva aka wən nokum sən ənnek mədannek gbaŋ aka wən nokum aba Maŋgəlva naməŋ di?

¹⁰ Dəfəɗ də kapay pak mənam tat əkkam zəm soksoku, vi mərahgən ulukum, gəm kaknahan an məs dəpəl aza ətaf nokum.

¹¹ Kəta Maŋgəlva Afəm sən kiyən də Daya nam Yesu, dəkol səmən tive nadda anokumda.

¹² Kəta Daya dəɓaygəni gəm dənzlərgən əŋgla nokum a awalaŋ zukum də azet ɗiy pakə, vit va əŋgla nam vikum.

¹³ Vi dəsɓangən mokrokum, kəssoŋgən məza heslepe ɓa, salala aba Maŋgəlva Afəm pay əzza na Daya nam Yesu dit ɗiy salala nan pakə.