1Alabaraɗe Də Mabərkiziti 27 - Bible en Guidar

Əzaɓan wəza net məzəlpaŋ naddəv kiyva na məlyã

¹ Mə Israyelɗe də əŋɗa net azet migil gəla, azet deyeɗe net məzəlpaŋ gabal gabalə gəm səkat səkatə dit məzuvereŋ net məɗɗaŋ wəza na məlyã, an dəwəl sən paŋgit məzugilyen də məzutoŋ ama təla pak əzva gərakə. Paŋgit taka pak ɗiy gabal kaklaw sula kiyit poɗo poɗo.

² Naka paŋgit maddaabəŋ yeŋki: Naka təla maddaabəŋ: Yasobe'am wətən Zabdiyel, paŋ nan ɗiy tahəŋ gabal kaklaw sula kiyit poɗo.

³ Səra mazlalwã na Peres dəsan aket ɗiy gugriɗ net məzəlpaŋ pak aka təla maddaabəŋ.

⁴ Doday mə Aho'a daya na paŋgit na təla masulani; Miklot abeti, aka paŋ nan ɗiy tahəŋ gabal kaklaw sula kiyit poɗo.

⁵ Təla mahoko'ən, Benaya, wətən məsdələv metiŋgin Yoyada yi daya net paŋgit mohoko'o. Aka paŋ nan na, ɗiy nan tahəŋ gabal kaklaw sula kiyit poɗo;

⁶ Benaya van ndəni taka naret ɗiy gambereɗ Kaklaw hoku, ndəni daya net Kaklaw hoku. Ammizabad wətəni aka paŋ nani.

⁷ Mapoɗoni, na təla mapoɗoni, Asayel məlmən Yo'ab, sədərɓagan na, Zebadya wətəni yi. Aka paŋ nan ɗiy tahəŋ gabal kaklaw sula kiyit poɗo.

⁸ Masle'eni, na təla masle'eni, daya na, Samhut mə Yizra; aka paŋ nan na, ɗiy tahəŋ gabal kaklaw sula kiyit poɗo.

⁹ Masləre'eni, na təla məsləre'eni, Ira wətən Ikkes na Tekowa yi; aka paŋ nan na, ɗiy tahəŋ gabal kaklaw sula kiyit poɗo.

¹⁰ Mabuhuloni, na təla məbuhuloni, Heles mə Pelon, sə weleŋgit kirtin Efrayim; aka paŋ nan na, ɗiy tahəŋ gabal kaklaw sula kiyit poɗo.

¹¹ Madodopoɗoni, na təla madodopoɗoni, Sibbekay, na Husa mahəlfa na Zera; paŋ nan na, ɗiy tahəŋ gabal kaklaw sula kiyit poɗo.

¹² Mavaytakani, na təla mavaytakani, Abiyezer, na Anatot, zev Benyamin; aka paŋ nan na, ɗiy tahəŋ gabal kaklaw sula kiyit poɗo.

¹³ Makəlawani, na təla makəlawani, Mahray na Netofa, zev Zera. Paŋ nan na, ɗiy tahəŋ gabal kaklaw sula kiyit poɗo.

¹⁴ Makəlaw kiyən taka, na təla makəlaw kiyən taka, Benaya na Piryaton, səret kirtin Efrayim; paŋ nan na, ɗiy tahəŋ gabal kaklaw sula kiyit poɗo.

¹⁵ Makəlaw kiyən sula, təla makəlaw kiyən sula, Helday na Netofa yi, səddəv mahəlfa na Otniyel; paŋ nan na, ɗiy tahəŋ gabal kaklaw sula kiyit poɗo.

Deyeɗe net mahəlfaɗe

¹⁶ Aket mahəlfaɗe na Israyel, daya net kirtin Ruben na, Eli'ezer wətən Zikri yi; net kirtin Simeyon tamə, Sefatiya wətən Ma'aka;

¹⁷ na Levi, Hasabiya wətən Kemuwel; na Aron, Sadok;

¹⁸ na Yuda, Elihu, taka səret milmiŋgiɗin Davit; na Isakar, Omri wətən Mika'el;

¹⁹ na Zabulon, Ismaya wətən Obadya; na Neftali, Yerimot wətən Aziriyel:

²⁰ net kirtin Efrayim, Hose'a, wətən Azaziya; na pəɗak net kirtin Manase, Yo'el wətən Pedaya;

²¹ na pəɗak net kirtin Manase naddəv Galad, Iddo wətən Zakarya; na Benyamin, Ya'asiyel, wətən Abner;

²² na Dan, Azarel wətən Yeroham. Eskiŋ deyeɗe net mahəlfaɗe na Israyel.

²³ Davit dəgəm əŋɗa net en wəzva kaklaw sula əmnda dirɓe ɓa, vi Yawe anahək na, wanuwan Israyel va ngərzleɗ na disiŋ.

²⁴ Yo'ab wətət Seruya təŋ əŋɗeti, yaŋ dəgrak əŋɗet ɓa, vini wədagədəv ade aka Israyel, gəm əŋɗa net tay addəv ɗerewel net alabaraɗe də mabərkizit na məlĩ Davit ɓa.

Məɗɗaŋ wəza də arya na məlyã

²⁵ Azmawet wətən Adiyel yi mərəm maha na məlyã. Yonatan wətən Uzziya, ndəni mərəm zəga na mabardaw, na kəlawra na walaŋgəleɗe gugriɗe, net walaŋgeleɗe memeɗeŋɗe, dit gəleɗe nawga pakə.

²⁶ An naket məzənseŋ naka dələv nan na, Ezri wətən kelub.

²⁷ Aket gulyeŋɗe net megezlembirkeɗ na, Simey na Rama yi. An naket mahẽɗ na mbazla net megezlembirkeɗi, Zabdi mə Sifmi.

²⁸ Naket heremeɗi gəm korvoŋɗe naba gərma, Ba'al-Hanan mə Geder. Naket mahẽɗ na mẽl tam Yo'as.

²⁹ Daya naket wasliɗe məzutaɗaŋ a Saron, Sitray mə Saron. Safat wətən Adlay ndəni daya naket wasliɗe məzutaɗaŋ na waleŋɗe.

³⁰ Daya net zlogomeɗ na, Obil, mə Ismayel iyi. Naket korɗe muguluŋgit tamə, Yehdaya mə Meronot.

³¹ Daya naket gilewi Yaziz mə Hagar. Eskis pak deyeɗe na aryeɗ na məlĩ Davit əŋgə.

Ɗiy en na meŋ na Davit

³² Yonatan, babsawa Davit, məzusəɓə yi, ɗəf məs də kini nan məzuveri yi. Ye'iyel wətən Hakmoni, azet kirtin məlĩ yi.

³³ Ahitofel məzusəɓ na məlyã gəm Husay mə Arki tam bayna məlĩ yi.

³⁴ Dərɓaga Ahitofel, Yoyada wətən Benaya də Abiyatar dəgəmnən gəlani. Daya net məzəlpaŋ na məlĩ na ndəni Yo'ab.