1Alabaraɗe Də Mabərkiziti 26 - Bible en Guidar

Paŋgit məgaŋ metiveɗ temtem

¹ Paŋgit məgaŋ metiveɗ yeŋki: Mə Koreɗe: Meselemya, wətən Kore, səret kirtin Asaf.

² Meselemya awək mezeŋgleketi: Zakarya daya nani, Yediya'el masuleti, Zebadya mahoketi, Yatniyel mapoɗeti;

³ Elam masle'eti, Yohanan masləre'eti, Elyo'enay mabuhuleti.

⁴ Obed-Edom awək mezeŋgleketi: Semaya daya nani, Yehozabad masulani, Yo'a mahoketi, Sakar mapoɗeti, Netanel masle'eti,

⁵ Ammiyel masləre'eti, Isakar mabuhuleti, Pewultay madodopoɗeti, vi Maŋgəlva azaɓanəka.

⁶ Semaya wətən awək kirin mezeŋgleket dəskanən wəla gəla na afiti, vi gambereɗiŋgə.

⁷ Kirtin Semaya: Otni, Refayel, Obed, Elzabad dit milmiŋgiɗin gambereɗi, Elihu gəm Semakya.

⁸ Eskis pak kirtin Obed-Edom əŋgə; ndəɗaŋ kirtit dit milmiŋgiɗit pak gambereɗiŋgə, vi gbogboŋ net a gəla wəza neti. Kaklaw sləre kiyit sulaŋ na Obed-Edom.

⁹ Meselemya awək mezeŋgleketi gəm tay dit milmiŋgiɗin gambereɗ kəlaw kiyit dodopoɗo.

¹⁰ Na Hosa səddəvit kirtin Merari yi, awək mezeŋgleketi: Simri yi, daya nani, magazi nani ɓa hara, yaŋ afən aɗi ka daya;

¹¹ Hilkiya masulani, Tebalya mahoketi; Zakarya, mapoɗeti; kirtin Hosa dit milmiŋgiɗin pak kəlaw kiyit hoku əŋgə.

¹² Sən paŋgit məgaŋ maddambeɗe dit deyeɗe net gambereɗi yi məppaŋ sit wən naɗɗa wəza addəv Gəla na Yawe va net milmiŋgiɗti.

¹³ Məɗɗa vẽpəlu təŋ səka muzliya, gap aket mazzeɗi, nawɗeket maddambeɗe nawga, va təl gəla net asan maddamba maddamba.

¹⁴ Nammba pay nampum na, vẽpəlu abətək aka Selemiya. Na Zakarya wətəni dəsən əbbah moggoni, nan abətək aka tapaslay pay də disiŋ.

¹⁵ Na Obed-Edom, maddamba na kəla dohoŋ məpsən nawga, kirtin tam mahẽɗi.

¹⁶ Net may Suppim də Hosa, awɗaketin maddambeɗe na kəlammba pay na moskoy də an na Salleket, məzukol dəka tive ɗagra'a. Wəzaɗe temtem tahəŋ:

¹⁷ ammba pay nampum, mə leviɗe sləre addəv əsɓəta; də disiŋ, poɗo addəv əsɓəta; də dohoŋ, poɗo addəv əsɓəta; məgaŋ mahẽɗ tam sula sula;

¹⁸ Na gəla na maŋgava, nammba pay na moskoyo, ɗiy poɗo aka tive, sula addəv gəla na maŋgava.

¹⁹ Paŋgit eskiŋ məgaŋ maddambeɗe məgəmit səmmbet kirtin Kore gəm kirtin Merari.

Wəza an temme məpsit mə leviɗe mbirti

²⁰ Ahyiya aziyik mə leviɗe meɓɓet aka gəla arya naddəv Gəla na Maŋgəlva, gəm gəla nawzaɓ zəgeɗ na wəza na Maŋgəlva.

²¹ Kirtin La'edan, mə Gerson, migil gəleɗe net də mabər kiziti, ndəɗaŋgə zev Ye'iyel.

²² Kirtin Ye'iyel, Zetam, gəm Yo'el məlməni, məslənit addəv gəla nawɗi zəgeɗ na Gəla na Yawe.

²³ Net mə Amramiɗe, Yisehar, mə Hebronɗe gəm mə Uzziyelɗe,

²⁴ Sebuwel wətən Gersom na Moyis yi, ndəni daya aka təki nawzaɓ zəga.

²⁵ Milmiŋgiɗin na kəlaza Eli'ezer: Rehabiya wətəni Eli'ezer, Eli'ezer duwa Yesaya, Yesaya duwa Yoram, Yoram duwa Zikri gəm Zikri duwa Selomit.

²⁶ Selomit vanəs dit milmiŋgiɗin məɗiti a təki nawzaɓ zəgeɗ salala en Davit aɗi vi wəza na Maŋgəlva pakə, migil gəleɗe, gugriɗ naket məzəlpaŋ gabalɗe dit en səkatɗe, gəm ɗiy gugriɗ net məzəlpaŋ dəwən neti.

²⁷ Aɗiyinik aka zəga nawrah səma əgaya gəm əzga sləma aka Gəla na Yawe.

²⁸ Də an may Samiyel məzula, Sawlu wətən Kis, Abner wətən Ner, gəm Yo'ab wətət Seruya aɗiyaŋ ammba wəza na Yawe pak, ava Selomit dit milmiŋgiɗin məppani.

²⁹ Net mə Yiseherɗe, Kenaniya dit kirtin məɗi aka wəza na kəlappaka na Israyel, va məzuvereŋ dit mətawaŋwəna.

³⁰ Net mə Hebronɗe, Hasabiya dit milmiŋgiɗin gambereɗ gabal də səkat buhul nawga dələv na Israyel dəgar ki Yurden nammba pay na moskoyo; duleningin zəgeɗ na Yawe də wəza na məlĩ pakə.

³¹ Net mə Hebronɗe, Yeriya daya net mə Hebronɗe, məkayani gabba mazlalwẽt aka əzva na Davit makaklaw poɗo aka məlyã, mərəhi ɗiy gambereɗ səret a Yazer na Galad.

³² Ndən dit milmiŋgiɗin, aɗɗaŋgək ɗiy gambereɗ, gabal sula də səkat buhulu, migil gəla məs məlĩ Davit aɗi aket mə Rubenɗe, mə Gadɗe, gəm pəɗak net kirtin Manase, dulanəngən an dəwəl sən Maŋgəlva də an dəwəl sən məlĩ pakə.