1Alabaraɗe Də Mabərkiziti 20 - Bible en Guidar

Yo'ab amõhuk walaŋgəla-metiŋ na Rabba

¹ Də əzva maɓɓan gala pay milyeŋge adawmbataŋ əlpa, Yo'ab dəke məzəlpaŋgə, araygənək dələv net mə Ammonɗe. Ade asərŋgəsl Rabba, Davit sən kiyən asanək a Yerusalem. Yo'ab, adəmsənək Rabba, aɓzluka.

² Davit apoŋ kulpupu na məlĩ net səkani, arəh na gagdak na kulpupu na meleŋge van adayək ki kilo kaklaw hoku; kulpupu van tay də gərəm na sləma akani. Məɗup səni Davit akani, akək zəgeɗ nawrəh na ma wəgay diyɗa sə walaŋgəla-metiŋ.

³ Agilgitik ɗiy en naddəvən ake dəssoŋgən əɗɗa wəza dit slohoŋɗe nantar wəleŋɗe, təbəzɗe nawziyan təkiya gəm zlimbeɗi. Vaski Davit adaɗɗa dit walaŋgəleɗe gugriɗ net mə Ammonɗe meɓɓet pakə; Davit amndanək dit məzəlpaŋ nan pak a Yerusalem.

Wəgay dit mə Filistiɗe

⁴ Dərɓaga aska, əgay agəɗək a Gezer dit mə Filistiɗe. Daski Sibbekay na Husa, abay Sippay, taka naddəv zev Rafayɗe, mə Filistiɗe, avoŋgənənək kiyti.

⁵ Əgay agəɗək dit mə Filistiɗe əmpa, Elhanan wətən Yayir abayək Lahmi, məlmən Golyat na Gat, məs wəlaŋ tulhõ nan gba wəlaŋ saka.

⁶ Əgay agəɗək a Gat əmpa. Ɗəf tay məɓayən, kirtin van də tələn pak sləre sləre, sap pak kaklaw sula kiyit poɗo; nan pak zev Rafa yi.

⁷ Arəmək mama azet mə Israyelɗe, yaŋ Yonatan wətən Sime'a məlmən Davit abaya.

⁸ Eskis pak zev Rafa a Gat əŋgə; Davit dit ɗiy nan dəbeynini.