Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

YOHANNA ƁEWYEGYE 10 - Alkawali Woiwoyi


Shekwoyi Shiri Nku Nu

1 Nnavun ma gye malaika yakwo woi kashi n eshe, enyi yi Shegunwo, n Shanyi-pmanayi shegun n wo tukwo, owo awyeba ɓai bmana n gye nyipyeyi, owo apita ɓai gwo ena.

2 Wo ɓei n takarda ɓiyi shi n kmi-kmiyi, wa tu owo pita bwaizhe nya n ola, wa tu owo pita bwai-pmi nya n anyi,

3 Wa sa wyi n kalayi ngye gaba bwi-ogma sawyi har abwa ngun tnaba.

4 Esa n mi ɓei ye maka enya n ogma wyisayia da, mawo begye n eshe kwoi yi mi n ge, “To ka kwon”, Ata wu oɓa aɓeda ebmin.

5 Malaika dnagmayi n wo gni agni-gni tu n nuwan n ekni yi nyi, wa la wo bwaizhe bwa wu n she.

6 Wa si nyasi, n ozai n wo n wyewyeyi nyalo-nyalo n wo ɓei zhin eshe n nyai n kwo dna n kwo nyin, n anyi yi n anya yi n ɓa fi n kwo vinya, n ola yi anyayi n ɓa fi kwo vinya, “Nge ato shan esa wun-yan.

7 Ama shi malaika tnabayi ɓei bye mwayi, n sayinu n Shekwoyi shiri-n kwo ɓei so shi tunyi n sapai kafin owo a bara anabi ɓei da kwo, kwo ɓa nu.”

8 Njesun begye kwa gmi n eshe kwa daɓo n mi yi kwa cige, “Lo ho gwo takarda kmi-kmi yi n malaika dnagmayi akun, nwo gni a gni tu n nuwan n ekni yi nyi.”

9 Malo owo aba wa gami takarda yi. Wa gna mi ge, “E, gwo kwo ha gyi kwo.” “Nkmisun yi kwo ɓa wo ngye osunu, amma esa n hami kwo, kwo ɓa pmiho nubo.”

10 Ma gwo kwo n wo akun, shiwo ɓei gnami, kwo ɓei da n mi egbe, ama kwa pmi mi nubo esa n mi ɓei mikwo n cei.

11 Nnavun wa gnami, “Tile ha ye zhin anabci ɓe n na aza tukwo n mwa begye, n na akniyi, n abyeyi, n na asuyi.”

Alkawali Woiwoyi

(Gbagyi New Testament)

Copyright © 1997 by Biblica, Inc.®

All rights reserved worldwide.

Biblica, Inc.
ကြှနျုပျတို့နောကျလိုကျပါ:



ကြော်ငြာတွေ