Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

THUCHINGTE 17 - PATHIEN LEKHABU THIENGTHO (BSI)

1 Kisuol buoi lui luia guolvak siemna In sang chun, kituok diel diel a ankhing nekna In chuh a pha zawi.

2 Suok pilvang taka nasem chun, a pu chapa dukdaklote chunga chun vaihawm intin, insung mite laka chun gochan nei in a.

3 Hâltuina bel chuh dangkaguo a ding ahi a; hâltuina mei chuh sana a ding ahi, himahleh Lalpa chun lungthim a enchien sek hi.

4 Miphalote chun ngaihdan phalo a ngaitha sek u a, mi zuou te chun zuou thu a ngaitha sek ui.

5 Mi gimthei musitte chuh a Siempa musit ahiu a, mi vangsietna chawhsate chu gawt loh in um puo’n au.

6 Tu leh chate hi teksiete lallukhuk ahiu a, chapate lopina chuh a pate ahiu.

7 Thu phatak gen leh mingawl a kimeh puoh a, zuou gen chuh leng chate tawh a kilawmlo zawsem hi.

8 Gawlhgukna hi a piepa mit achun dawi suong tawbang ahi a, thil chengcheng hihthei dingin a gingcha a.

9 Mi gitlohna ngaidam chun lungsietna a hawl sek a, gitlohna hezingte vang chun guolpha a sukhen sek ui.

10 Mingawl zakhat vei zêp sang chun, mi pil khatvei hilhgaih chun a he tam zawi.

11 Migilo chun buoina mai a sudawk a thihna palai ningkhel tak guolin a chungah hung tung in a.

12 Mingawl a ngawlna a puon lai tak kituokpih sang chun savawm a no kilaksak zo pan kituokpih chuh nawp a um zawi.

13 Kuole, thilpha thil phalo a dinthuk te chuh, sietna’n a In chuh pawtsan ngei puo’n a.

14 Kinielna kipatna chuh tui sunbuok tawbang ahi a, zieziekchun kinakna atunma chun kiniel chuh haihsan in.

15 Migilo thiemchan sak leh mi dik thiemloh chansak chuh, Lalpa a dingin a kihdak-um dân akibang hi.

16 Zil ding lungthim le neilo mingawl khuta chuh bang zieka thiemna chawkna dinga paisa kikawih ding ahim?

17 Guolpha chun bangtik lai in le a lungsiet a, chun, inkuon kinaihpihte hi lungkhamna thuokpih dinga pieng ahi,

18 Hetthiemna tasam chun kin takin kitiemna suoikai in, a invengte sum bat chungah mawh a puo sek hi.

19 Kuole dân bawhsiet ut mi chun kisuol a utcha sek a, a kawtkhak dawmsang chun manthaina a hawl sek hi.

20 Lungthim kawite chuh hausa ngei puou in tin, lei lepchiehte chuh sietna khuk ah a kielut un au.

21 Chapa ngawl chun a pa lungkhamna a tun a, chapa ngawl neipa chuh a kipâk kha puoi.

22 Lungthim kipahna chuh damdawi phatak ahi a, himahleh, lungthima gimtheihna vang chun guh a sungawt hi.

23 Vaihawm diklo chun gawlhgukna a la a, thudik a vaihawmna a susie sek hi.

24 Hetthiemna nei mi chun pilna lama chun a mit a hak a, himahleh mingawl chun vang kâwlmawng a en sek hi.

25 Chapa ngawl chuh a pa dingin lungkhamna ahi a, a pienna nu dingin gimtheihna ahi.

26 Mi diktat gawt chuh a pha puoh a, mipha, a thutak zieka zêp chuh le dikna hihsietna ahi.

27 A thugena kisûm thei chun pilna a nei a, lungthim dap taka gel mi chun hetthiemna a nei hi.

28 Mingawl le thipkêi a a um chun mipil a ngaih ahi a, a kam a hup zo te chuh hetthiemna nei a ngaih ahi.

Gangte Holy Bible - PATHIEN LEKHABU THIENGTHO

Copyright © Bible Society of India, 2010.

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ