KISIMNA 25 - PATHIEN LEKHABU THIENGTHO (BSI)

Peor Mun a Baal Hona

¹ Israel te Shittim a a umsung u chun Moab haw chanute chuh a kuolpih tau a:

² Zie numeite chun Moab Pathien a ho nau a, an ne ding chun a chiel u a. Israel chate chun an a neu a,

³ Israel chate chun Baal-peor chuh a ho tau a, Khutichun Lalpa chuh a chung uh achun a lungna ta a,

⁴ Mosi kawmah, “Mipite lawiupa chengcheng chuh pui inla, Lalpa lungnatna lauh-um tak mai chuh Israel te chunga a kiheimang theih na ding in sun khawvak ah khailum in,” a ti a.

⁵ Chun, Mosi’n Israel vaihawmte kawm achun, “Na mipiteu laka Baal-peor pathien ho taphawtte chuh that suok kêi un,” a ti a.

⁶ Israel chate chuh Lalpa umna puon-In kawtkhak a a kah lai tak u chun mi khat in Mosi mitmuh leh Israel mipite mitmuh chun Midian numei khat a inkawte kawmah a hun pui a.

⁷ Chun, Thiempu Aron chapa Eleazar chapa Phinehas in a vak muh chun, kikhawm khawm haw chuh nusieh in a kipan a, tiengcha a la a.

⁸ Israel mi chuh puon-In sung achun a delh lut a, Israel mi chu tawh a nih u chun numei chuh a gil ah a sunlet a. Khutichun Israel chate chung a gawt na chuh a hai ta a.

⁹ Khutisa chun le, zie gawtna a thi chuh mi singnih leh sangli a thi man ui.

¹⁰ Chun, Lalpa’n Mosi a hopih a,

¹¹ “Phinehas thilhih ziek chun Israel chate chunga ka lungnat na chuh a bei ta a. Kei tih loh Pathien dang a ho dinguh a thuok theih loh ziekin ahi, lungna a amau haw ka sukmangthai takloh chuh a ti a.

¹² Zieziekchun, ‘Ken amah chuh kichamna thuthun ka pie tai,’ ti’n gen in.

¹³ Mipite gitloh ngaihdam na leh kei thasang ding a ngaih theih loh ziekin, a mah leh a suonte chuh kumkhuo a thiempu dinga sudet ding ka hi,” ti’n.

¹⁴ Israel mi, Midian numei tawh a thah khawm u chuh Simeon phunggui a lawiupa Salu chapa Zimri ahi,

¹⁵ Midian numei a thah u min chuh Kozbi ahi a, a pa chuh Zur ahi: amah chuh Midian te inkuon lak a a lawiupau ahi.

¹⁶ Chun, Lalpa’n Mosi chuh a hopih a,

¹⁷ “Midian te chuh do unla, sumangthai un,

¹⁸ Amau chun Peor mun ah a hun vau u a, dawha bawl a ahun thep ziek u leh Peor a hipi a lên zieka thah a um Midian te lawiupa suohpihnu Kozbi chungchanga a hun lepbawl ziek u khan,” ti’n thu a pie a.