ISAI 47 - PATHIEN LEKHABU THIENGTHO (BSI)

Babulon chunga vaihawmna

¹ “Aw Babulon chanu, nungak thiengtho, na lalchutphah apat chun hung kum tha’n la, leivui lak ah chu tha’n, Kaldai chanu! tuhin chuh, tino leh deihum hi talo ding na hi ngâla! Tuhin suok in na um zaw tai.

² Buhgawihna suong hêk in, changbuong gawi nêl in na pang ta a! Na puon khuk chuh hâwk inla, na puon silh lai hawih tak chuh latha’n; Lui gâl kai dingin na puon chuh hâwk sangin!

³ Tichun, mite’n na sangawn na chuh hun muu untin uh; niem tak leh zakcha takin hun mu’nau! Phuba lang ka ting, kuoma’n ei nang thei puo’n au.”

⁴ Kei uh ei Tandawkpa, A min chuh Lalpa Bangakai hihthei, Israel Mi Thiengtho chuh ahi.

⁵ Lalpa’n Babulon kawm achun, “Thipkei in thim lak ah chu’n la; namtin lengnu hun ti talo ding a hi ngâl u a!

⁶ Ka mite chungah ka lungna ta a; Keia te hitalo bang khawp hielin ka bawl ta a; Na thuneihna nuoi ah ka hun pie a, nangin lungsietna himhim latsak lo in na um a, teksiete nasan chuh gilo takin namkawl gik tak na puok saka.

⁷ Chun, Kei hi kumlekhuo’n lengnu’n um ing ka ting, na ti a; na hung tâwp ding dante ngaihtuoh phalo hielin na um a.

⁸ “Khutichun, nang nawpchenna bawl a ngaihsam taka um a, Na lunggil a, Keimah hi ka hi, keimah lo chuh midang mawngmawng a um puoi, meithai guolin chu puo’ng ka ting, chate channa thu le he diek puo’ng ka, ti nu, ziehi he’n:

⁹ Zie thil nih, chate channa leh, meithai na chun ni khat thu’n, mitphetlohkal in hun tunkhum ding ahi! Dawi thilhih theihna leh aisânna mang tam mahleh chin, na pasal leh na chate cha haw chanin hun chan tho inla.

¹⁰ “Na gitlohna achun bit dingin na kigingcha a, kuoma’n hun mu theilo dingin na kingaihtuoh a, Zieziekchun, na chitna leh na hetna chun a hun puimang zaw tai!

¹¹ Khutichun, thil phalo na chungah hungtung intin, na dawi thilhih theihna chun dal thei puo’n a. Hatkhat in na chungah sietna hungtung intin; sietna na hêtkhâk loh chuh hungtung phut ina.

¹² Na khangdawng apat a dawi thilhih leh, na kivennate chuh mang in tin; nanga dinga lawkna umsun chuh na melmate na suklauh chuh hi chauh ta’n a.

¹³ Thuhilhna na chuh na chimchâk a, thilhih theihna bei hi’n na tin; Aksi chanchin hete chuh hung u hen la, hun hukdam u hen! Aksi umdante zil a, vaulam thilte lehdawk a, tha tina thil hungtung dingte genlawk sekte gei chuh!

¹⁴ “Ngaitie, amau chuh buhpawl tawbang hiu in tin; mei in katum vek un au! Meikuong chuh amau dingin sa taluo’n tin; kihaihlumna dinga meihawl kitik maimai bang hi hi puo’n a.

¹⁵ Nasep khawmpih te chu tawh na chung u achun zie tawbang thil haw chuh hungtung ding ahi. Na khangdawng lai apat a na kivawppih te chun hun taihsan un tin, a hun hukdam ding khat chale um puo’n au!” ti’n.