Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

1 KORINTH 8 - PATHIEN LEKHABU THIENGTHO (BSI)


Milim kawma An Thillat Thu

1 Tuhin, milim kawma An thillat thu a na hun ziknau thu a chun, A gen guol mah u khan, “I bawnchau in hetna I nei chiet ui,” tih chuh a dik hi. Zie tawbang hetna chun mi a uon sak sek a; himahleh, hehpihna vang chun mi a siempha sek hi.

2 Kuo’n le, thil bang ahim he a a kiginchak chun, a het ding bang tak chuh a he nailo ahi.

3 Amahvang chuh, kuo’nle Pathien a hehpih chun, zie pa mawng chuh amah het ahi.

4 Chun, milimte kawma thillat nek thu achun: vannuoi ahin milim chuh bangmah ahih loh zieu leh, Pathien khat chauh a um hi tih I heu hi.

5 Van ah ahim, lei chungah ahim, pathien min pu tamtak um u hen la; zie tawbang pathien leh lalpa kiti chuh tamtak um mahleu le,

6 Ei u dingin vang chuh, Pathien khat mai, Pa chuh a um a, amah chuh Bangakai Siempa ahi a; amah dingin I hing u a, chun, Lalpa khat mai a um a; Isu Krista chuh, thil chengcheng hi amah vanga siem a hi a, ei u le amah vangin I hing uh ahi.

7 Himahleh, zie thudik chuh mi cheng chengin a he puou hi. Mi khenkhat chuh milim hona dinga nasa taka a na kimat tâk ziekun, tuni tieng hin le, zie tawbang chuh a nek tieng u leh, a an nek u chuh milim pathien a hi dingin a ngaihtuoh nalai uh ahi; a sie leh pha hetnau chuh a hât loh ziekin, zie an a nek u chun subuok in a kingaihtuoh sek uh ahi.

8 Himahlele, neklechâk hin Pathien mit ei tunsak diek puoh a, ne kileuhing le I sie chuom diek puou a, ne leuhing le I pha chuom diek puou hi.

9 Himahlele, chingthei un, khutilochun, ut ut a na tat theihnau chuh, bang em ti’n, mi hatlote dingin pukna hung hi kha’na.

10 Nang, hetna nei mi, kuo’nle, milim hona ina, ankuong um a a hun muh chun, amau chuh mi hatlo na hi taleu, a sie leh pha hetnau chun milim laka kithawihna thil nek ngam lawh lo ding ahi?

11 Khutichun, na hetna ziek chun, mi hatlo suohpih khat, Krista’n a thih sik a thih sak pa chuh beimang ding ahi.

12 Suohpihte chunga khutibang thila chuh na hih gitloh u chun, a sie leh pha hetnau hatlo chuh na sukliem naklai u chun; Krista chunga thilhih gilo na hiu hi.

13 Zieziekchun, ka nek le châkin ka suohpih a sukpuk chun, ka suohpih ka sukpuk lohna dingin, kumkhuotuong in, sa himhim ne ta puo’ng ka.

Gangte Holy Bible - PATHIEN LEKHABU THIENGTHO

Copyright © Bible Society of India, 2010.

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ