1 KHANGTHUBU 27 - PATHIEN LEKHABU THIENGTHO (BSI)

Sepaihte leh Mipi Nasemte

¹ Chun, Israel te tam dân chu-inkuon lawiupate, sepaih sangkhat chunga lawiupate, zakhat chunga lawiupate, lam chuom chuom a leng nasem cheng cheng, kum khat sunga tha chenga thu lut leh thu pawt dungzuia kitheng zel sek haw chu mi singnih leh sangli ahiu hi.

² Ziehaw hi tha tina lawiupate chu ahiu hi: Jebdiel chapa Jashobeam a hi a, a lawi achun singnih leh sangli a um ui.

³ (Amah chu Perez suona Juda nam a mi ahi.)

⁴ Tha nihna a lawiupa chu, Aho-mi, Dodai ahi a, a mah lawi achun singnih leh sangli a um ui.

⁵ Tha thumna a sepaihte haw lawiupa chu, thiempu Jehoiada chapa Benai a hi a, amah lawi achun mi, singnih leh sangli a um ui.

⁶ Zie Benai hi ahi, sawmthumte laka mi hangsan, sawmthumte chunga pa chu; amah lawi lak achun a chapa Amizabad a tel a.

⁷ Tha lina a sepaih lawiupa chu, Joab suohpihpa Asahel a hi a; a chapa Zebadiah a tha a sang hi; amah lawi achun, singnih leh sangli a um ui.

⁸ Tha ngana a sepaih lawiupa chu, Izra-mi Shamhut a hi a, amah lawi a chun singnih leh sangli mah a um ui.

⁹ Chun, tha gupna a sepaih lawiupa chu, Teko mi, Ikesh chapa Ira ahi a, amah pawl a chun singnih leh sangli mah a um ui.

¹⁰ Tha sagihna a sepaih lawiupa chu Ephraim suona mi, Pelon-mi Helez a hi a, amah pawl a chun singnih leh sangli a um ui.

¹¹ Tha gietna a sepaih lawiupa chu, Zerah suon, Hushat-mi Sibbekai ahi a, amah pawl achun singnih leh sangli mah a um ui.

¹² Tha kuona a sepaih lawiupa chu Benjamin suon, Anathoth-mi, Abiezer ahi a, a pawl achun singnih leh sangli a um ui.

¹³ Tha sawmna a sepaih lawiupa chu, Zerah suon Netophah mi, Maharai ahi a, a pawl a chun singnih leh sangli a um ui.

¹⁴ Tha sawm leh tha khatna a sepaih lawiupa chu, Ephraim suon, Pirathon-mi Benai ahi a, a pawl achun singnih leh sangli a um ui.

¹⁵ Tha sawm leh tha nihna a sepaih lawiupa chu, Othniel suon, Netophat mi, Heldai ahi a, amah pawl achun singnih leh sangli a um ui.

Israel Nam Puitute Kivaihawm dân

¹⁶ Ziehaw hi Israel nam puitute chuh ahiu hi: Reuben te namte lak achun Zikri chapa Eleazar chu vaihawm a hi a; Simeon te lak achun Maakah chapa Shephatia chu vaihawm ahi.

¹⁷ Levi te lak ah, Kemuel chapa Hashabia ahi a, Arnon te lak achun Zadok ahi.

¹⁸ Judate lak ah David unaute laka Elihu a hi a: Issakar te lak ah Mikael chapa Omri ahi.

¹⁹ Zebulun te lak ah, Obadia chapa Ishmai a hi a, Naphtali te lak ah, Azriel chapa, Jeremoth ahi.

²⁰ Ephraim suonte lak ah, Azazia chapa Hosea a hi a, Manasseh nam kimkhatte lak ah Pedai chapa Joel ahi.

²¹ Gilead gama Manasseh nam kimkhatte lak ah, Zekaria chapa Iddo a hi a, Benjamin te lak ah, Abner chapa Jaasiel ahi.

²² Dan te lak ah, Jeroham chapa Azarel ahi. Ziehaw hi Israel nam lawiupate chu ahiu hi.

²³ Chun, David chun Israel te haw chu, Vana aksi zah khun hun supung ing ka tih Lalpa’n a na gen tâk ziekin, kum sawmnih apat a nuoi lam chuh a sim puoi.

²⁴ Zeruiah chapa Joab chun a vak sim pan a, himahlele, a sim zo ta puoi. Pathien in kisim zieka Israel chate chu a gawt ziekin, a zah diktak u chu, leng David vaihawm lai zikna bu a chun a kizik talo ahi.

Leng Sumlepai Enkawlte

²⁵ Ziehaw hi leng sum enkawlte ahiu hi: Adiel chapa, Azmaveth a hi a, chuleh, Inmun lam haw, khawpi haw, khawpelhaw leh, insanghaw a sum enkawl chu Uzziah chapa Jonathan ahi.

²⁶ Lo a lo kaih nasemte enkawl chu Kelub chapa Ezri ahi a,

²⁷ Chun, grep huon enkawl chu Ramath mi, Shimei a hi a, grep huon a uain thawksa kikawihkhawmna enkawl chu Shiph mite Zebdi ahi.

²⁸ Chun, thanglam tâng bula olive thing leh theipi kungte enkawl chu, Geder-mi, Baal hanan a hi a; sathau kawihkhawmna enkawl chu, Joash ahi.

²⁹ Sharon phaizawl a ta sek ganguol haw enkawl chu, Sharon mi, Shitrai a hi a; luiphai a ganguol enkawl chu Adlai chapa Shaphat ahi.

³⁰ Sangawngsau enkawl chu Ishmael-mi, Obil ahi a, sabiltung enkawl chu Meronoth-mi Jehdei ahi.

³¹ Chuleh, Belam guol enkawl chu, Hagar-mi Jaziz ahi.

David Panpih sekte

³² Chun, David paneu, mi ching tak, lehkhazik mi tak Jonathan chu a lemguot sak pa a hi a, Hakmoni chapa Jehiel chu leng chapate sinsakpa ahi.

³³ Ahithophel chu leng lemguotpih pa ahi a. Ark mi, Hushai chu leng guolpa ahi.

³⁴ Ahithophel bana chun Benai chapa Jehoiada leh Abiathar ahiu a; chun, leng sepaihte hotu lienpen chu Joab ahi.