1 KHANGTHUBU 25 - PATHIEN LEKHABU THIENGTHO (BSI)

Ho-In a Lasapawl te

¹ Chun, leng David leh, Levi te laka lawiupate chun, Pathien hona puitu dingin Asaph te, Heman te, Jeduthun te a teldawk u a. Kingkangte, tumgitte leh dakkhutbet a Pathien thu phuongzak ding ahiu ui. Ziehaw hi Pathien hona a mapui dinga a teldawk teu min leh pawl tinin a nasep ding dân u chuh a hi:

² Asaph chapa lite: Zakur te, Joseph te, Nethania leh Asharelah te a hiu a. Amau haw chu, leng in thu a piek chenga Pathien thu phuong dinga Asaph puihhuoi a umte chuh ahiu hi.

³ Jeduthun chapa gupte chu: Gedalia te, Zeri te, Jeshai te, Shimei te, Hashbia te, leh Mattithiah te ahiu ui; ziete hi, kingkang tawh Lalpa kawma kipahthu gena, pakcha a, a pau Jeduthun puih dân dana umte chu a hiu ui.

⁴ Heman chapa sawm leh lite chu: Bukkia te, Mattaniah te, Uzziel te, Shebuel te, Jerimoth te, Hanania te, Hanani te, Eliathah te, Giddalti te, leh Romamti Ezer te, Joshbekashah te, Mallothi te, Hothir te, Mahazioth te ahiu ui:

⁵ Ziehaw chengcheng hi leng thiemgau Heman chite chu ahiu a, Pathien in Heman chu limbawl dinga a tiem dungzui in chapa sawm leh li leh chanu thum a pie a.

⁶ Amau hi a bawn un Pathien Ho-In a nasepna a thil gi thei zatchuom chuom dakkhutbet te, tumgit gui sawm nei te, kingkangte tawh lasak lemtuok a, a pau tih dân dana umte ahiu hi, Asaph te, Jeduthun te, Heman te chule, leng thupiek bang banga umte ahiu hi.

⁷ Amau leh a inkawteu, lasak kizil thiemsa ngen ahiu a, abawn u chun lasak thiem ahiu a, zanih leh sawmgiet leh giet ahiu hi.

⁸ A nasep dinguh kihawpna ding achun, chapang hileh upa hileh, a thiemsa leh a kizil laite chun le a sep dinguh a hettheih na dingun phun a san u a.

⁹ Tichun, a phunsân masak pên u chu Asaph dingin Joseph chungah a chu a, a nihna chu Gedalia chungah a chu a, a chate tawh, a suohpih teu tawh sawmlenih ahiu hi.

¹⁰ A thumna chu Zakur chungah a chu a, a chapate leh a suohpihte tawh sawmlenih ahiu hi.

¹¹ A lina chu Izri chungah a chu a, a chapate tawh a suohpih te tawh sawm leh nih ahiu hi.

¹² A ngana chu Nethania chungah a chu a, a chapate tawh, a suohpih te tawh sawmlenih ahiu hi.

¹³ a gupna chu Bukkiah chungah a chu a, a chapate tawh, a suohpihte tawh sawmlenih ahiu hi.

¹⁴ A sagihna chu Jesarelah chungah a chu a, a chapate tawh a suohpihte tawh sawmlenih ahiu hi.

¹⁵ A gietna chu Jeshai-ah chungah a chu a, a chapate tawh, a suohpihte tawh sawmlenih ahiu hi.

¹⁶ A kuona chu Mattaniah chungah a chu a, a chapate tawh, a suohpihte tawh sawmlenih ahiu hi.

¹⁷ A sawmna chu Shimei chungah a chu a, a chapate, a suohpihte tawh sawm leh nih ahiu hi.

¹⁸ A sawm leh khatna chu Azarel chungah a chu a, a chapate, a suohpihte tawh sawmlenih ahiu hi.

¹⁹ A sawm leh nihna chu Hashabia chungah a chu a, a chapate, a suohpihte tawh sawmlenih ahiu hi.

²⁰ A sawm leh thumna chu Shuba-el chungah a chu a, a chapate, a suohpihte tawh sawmlenih ahiu hi.

²¹ A sawm leh lina chu Mattithiah chungah a chu a, a chapate, a suohpihte tawh sawmlenih ahiu hi.

²² A sawm leh ngana chu Jeremoth chungah a chu a, a chapate, a suohpihte tawh sawmlenih ahiu hi.

²³ A sawm leh gupna chu Hannaniah chungah a chu a, a chapate, a suohpihte tawh sawmlenih ahiu hi.

²⁴ A sawm leh sagihna chu Joshbekashah chungah a chu a, a chapate, a suohpihte tawh sawmlenih ahiu hi.

²⁵ A sawm leh gietna chu Hanani chungah a chu a, a chapate, a suohpihte tawh sawmlenih ahiu hi.

²⁶ A sawm leh kuona chu Mallothi chungah a chu a, a chapate, a suohpihte tawh sawmlenih ahiu hi.

²⁷ A sawmnih na chu Eliathah chungah a chu a, a chapate, a suohpihte tawh sawmlenih ahiu hi.

²⁸ A sawmnih leh khatna chu Hothir chungah a chu a, a chate, a suohpihte tawh sawmlenih ahiu hi.

²⁹ A sawmnih leh nihna chu Giddalti chungah a chu a, a chapate, a suohpihte tawh sawmlenih ahiu hi.

³⁰ A sawmnih leh thumna chu Mahazioth chungah a chu a, a chapate, a suohpihte tawh sawmlenih ahiu hi.

³¹ A sawmnih leh lina chu Romamti-Ezer chungah a chu a, a chapate, a suohpihte tawh sawmlenih ahiu hi.