ዬ ማጻፋ 46 - ጋሞ ማጻፋ

ጌላኦ ናይታ ኤዶ ጌቴቲዛ ዬን ቆሬ ናይቲ ዛማሬታ ካቦስ ዬጺዳ ማዛሙሬ

¹ ጾሲ ኑኒ ሺቂ ኣቲዛሶኔ ኑስ ዎልቃ፤ ኑና ሜቶይ ጋኪዛ ዎዴ ማዳናስ ኢዚ ኡባቶ ማታን ዴስ።

² ሄሳ ጊሻስ ቢታይ ቃጺኮ፥ ዙማቲካ ዱጌ ኣባን ጌሊኮ ኑኒ ያዮኮ።

³ ኣባ ዳምባላይካ ጉሚዲ ሆሞቲኮ፥ ኢዛ ዎልቃማ ሃኖን ዙማቲ ኮኮርኮካ ኑኒ ዳጋሞኮ።

⁴ ጾሳ ካታማን፥ ኡባፌ ቃ ጾሳይ ዲዛሶን ኡፋይሲዛ ሻፋቲ ዴቴስ።

⁵ ጾሲ ኢዚ ጊዶን ዲዛ ጊሻስ ሄ ካታማያ ቃጹኩ፤ ዎንታ ማላዶራ ጾሲ ኢዞ ማዳና።

⁶ ካዎቴቲ ማካላን ዴንዲዳ፤ ካዎቲካ ኩንዲዳ፤ ኢዚ ባ ቃላ ቁ ሂስቲ ሲሲዴስ፤ ቢታይካ ሴሪዴስ።

⁷ ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

⁸ ሃ ዪቴ፤ ጎዳ ኦሶ ጼሊቴ፤ ኢዚ ሳኣ ዎስቲ ቡላሲዳኮ ቤኢቴ።

⁹ ኢዚ ሳኣ ጋጻፔ ጋጻ ጋካናስ ዲዛ ኦላ ቴቄስ፤ ዎንዳፌኔ ቶራ ሜንስ፤ ጎንዳሌካ ታማን ጹጌስ።

¹⁰ ሼምፒ ኡቲቴ፤ ታኒ ጾስ ጊዲዳይሳ ኤሪቴ፤ ካዎቴታ ቦላ ታ ቁ ቁ ጋና፤ ቢታ ቦላካ ታ ቁ ቁ ጋና።

¹¹ ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።