ዬ ማጻፋ 142 - ጋሞ ማጻፋ

ጎንጎሎ ጊዶን ዲዛ ዎዴ ዳዊቲ ኣኬካን ዬጺዳ ማዛሙሬ

¹ ታ ቃላ ቁ ሂስታዳ ታኒ ጎዳኮ ዋሳይስ። ጎዳፔ ማሮቴ ዎሳይስ።

² ታ ቆሆዛ ኡባ ኢዛስ ማጋናይስ፤ ታ ሜቶ ኡባ ኢዛስ ዮታይስ።

³ ታኒ ዳቡርዳ ዎዴ ኔኒ ታ ኦጌ ኤራሳ፤ ታ ሄሜቲዛ ኦጌን ታና ኦይካናስ ዎጺማዴ ዎዳ።

⁴ ታኒ ታ ዩሾ ሲማ ጼሊዛ ዎዴ ታና ማዳናይ ኦኒካ ዴና፤ ታ ባቃታ ኣታናሶይካ ዴና፤ ታ ሼምፖይስ ዉዴቲዛ ኣሲካ ዴና።

⁵ ኣቤት ጎዳዉ! ኔ ታና ማዳና ማላ ታ ኔኮ ዋሳይስ፤ ታ ዜምፖይ ኔና፤ ታ ሼምፖራ ፓጻ ዲሺን ታ ቃዳይ ኔና።

⁶ ታኒ ኬሂፔ ሂዶታ ቃንጺዳ ጊሻስ ኔ ታ ዋሶ ሲያ! ታና ጎዲዛይቲ ታፔ ዎልቃቲዳ ጊሻስ ታና ኣሻ።

⁷ ታኒ ኔ ሱን ጋላታና ማላ ታና ቃሾፔ ቢርሻ። ኔኒ ታስ ሎኦ ጊዲዳ ጊሻስ ጺሎቲ ታ ዩሾን ሺቃና።