ዬ ማጻፋ 136 - ጋሞ ማጻፋ

ኤዶን ዬጺዳ ጋላታ ማዛሙሬ

¹ ጎዳ ጋላቲቴ! ኢዚ ኪያ፤ ኢዛ ሲቆይ ሜርናሳ።

² ጾሳታ ጾሳ ጋላቲቴ! ኢዛ ሲቆይ ሜርናሳ።

³ ጎዳ ጋላቲቴ! ኢዛ ሲቆይ ሜርናሳ።

⁴ ኢዚ ጻላ ጊታ ማላሊሲዛ ሚሽ ኦስ፤ ኢዛ ሲቆይ ሜርናሳ።

⁵ ባ ሂላቴን ሳሎታ ሜዴስ፤ ኢዛ ሲቆይ ሜርናሳ።

⁶ ቢታ ሃ ቦላን ሚጪዴስ፤ ኢዛ ሲቆይ ሜርናሳ።

⁷ ጊታ ፖኦታ ሜዴስ፤ ኢዛ ሲቆይ ሜርናሳ።

⁸ ኣርሼይ ጋላስ ፖኣና ማላ ኦዴስ፤ ኢዛ ሲቆይ ሜርናሳ።

⁹ ኣጊናይኔ ጾሊንቴቲ ኦማርስ ፖኢሳና ማላ ኦዴስ፤ ኢዛ ሲቆይ ሜርናሳ።

¹⁰ ኢዚ ጊብጼ ቢታን ባይራታ ዎዴስ፤ ኢዛ ሲቆይ ሜርናሳ።

¹¹ ኢስራኤሌ ኣሳ ጊብጼፔ ካሌ ኬሲዴስ፤ ኢዛ ሲቆይ ሜርናሳ።

¹² ባ ሚኖ ኩሼኒኔ ባ ዎልቃማ ቄሴን ሃይሳ ኦዴስ፤ ኢዛ ሲቆይ ሜርናሳ።

¹³ ዞኦ ኣባ ሻኪ ዬጊዴስ፤ ኢዛ ሲቆይ ሜርናሳ።

¹⁴ ኢስራኤሌ ኣሳ ሄ ኣባ ጊዶራ ፒንዴስ፤ ኢዛ ሲቆይ ሜርናሳ።

¹⁵ ጊብጼ ካዎኔ ኢዛ ኦላንቻታ ዞኦ ኣባን ሚቲሲዴስ፤ ኢዛ ሲቆይ ሜርናሳ።

¹⁶ ኢዚ ባ ኣሳ ባዞራ ካሌዴስ፤ ኢዛ ሲቆይ ሜርናሳ።

¹⁷ ጊታ ካዎታ ሾጪዴስ፤ ኢዛ ሲቆይ ሜርናሳ።

¹⁸ ዎልቃማ ካዎታ ዎዴስ፤ ኢዛ ሲቆይ ሜርናሳ።

¹⁹ ኣሞሬታ ካዎዛ ሲሆኔ ዎዴስ፤ ኢዛ ሲቆይ ሜርናሳ።

²⁰ ቃሴ ባሳኔ ካዎዛ ኣጌ ዎዴስ፤ ኢዛ ሲቆይ ሜርናሳ።

²¹ ሂስቲዲ ኢስታ ቢታ ባ ኣሳ ላቲሲዴስ፤ ኢዛ ሲቆይ ሜርናሳ።

²² ባ ኣይሌ ኢስራኤሌ ላቲሲዴስ፤ ኢዛ ሲቆይ ሜርናሳ።

²³ ኑኒ ካዉዪዳ ዎዴ ኢዚ ኑና ቆፒዴስ፤ ኢዛ ሲቆይ ሜርናሳ።

²⁴ ኑና ኑ ሞርኬታፔ ኣሺዴስ፤ ኢዛ ሲቆይ ሜርናሳ።

²⁵ ሜታ ኡባስ ሚዛዝ ኢሜስ፤ ኢዛ ሲቆይ ሜርናሳ።

²⁶ ሳሎ ጾሳ ጋላቲቴ! ኢዛ ሲቆይ ሜርናሳ።