ታይቦ ማጻፋ 24 - ጋሞ ማጻፋ

¹ ባላሜይካ ጎዳይ ኢስራኤሌ ኣሳ ኣንጃናስ ዶሲዳይሳ ኤሪዳ ዎዴ ካሴ ኢዚ ኦዛይሳ ማላ ሙሬኖ ኦሶ ኦናስ ኮዪቤና፤ ባ ሲንካ ዱጌ ባዞ ዛሪዴስ።

² ኢስራኤሌ ኣሳይ ባ ቆሞን ቆሞን ማራራ ዱንካኒ ኡቲዳይሳ ቤኢዴስ፤ ጾሳ ኣያናይ ኢዛ ቦላ ዎዴስ፤

³ ሂስቲን ኢዚ ቲንቢቴ ሃሳያ ዶሚዲ፥ «ቢኦሬ ና ባላሜይ ሃሳይዛ ቲንቢቴ ቃላይ፥ ኢዛ ኣይፌቲካ ዶዬቲዳዴይ፥

⁴ ጾሳ ቃላ ሲዪዛዴይ ኢዚ ኩንዲ ዲሺን ኢዛ ኣይፌቲ ዶዬቲን ኡባ ዳንዳይዛ ጾሳ ኣጁታ ቤኢዛዴ ኪታይ ሃይሳ።

⁵ ያቆቤ ኔ ዱንካኔቲ ኢስራኤሌ ኔ ዲዛሶቲ ኣይ ማላ ሎኦ?

⁶ ኢስቲካ ሚጬቲዳ ዙሌታ ማላ፤ ቃሴካ ሻፋ ዶናን ዲዛ ኣታኪልቴሶሆታ ማላ፤ ጎዳይ ቶኪዳ ጎዳሬ ኡ ማላ፤ ዎይኮ ሻፋ ዶናን ዲዛ ሊባኖሴ ዚጋ ማላ።

⁷ ኢራይ ኡባ ዎዴ ኢስታስ ቡኪዛ ጊሻስ ኢስታ ሃ ኩሚ ፓላሄስ፤ ዜሬ ዎዴ ኢስታስ ጊዲዛ ሃ ዴስ፤ ኢስታ ካዎይ ኣጋጌፔ ኣ ጊዳና፤ ኢስታ ካዎቴ ቁ ቁ ጋና።

⁸ ኢስታ ጊብጼፔ ኬሲዳ ጾሲ ኢስታስ ሜን ማላ ኦሌታና፤ ኢስታ ሞርኬ ጊዲዳ ካዎቴታ ኢዚ ፑዜሬ ዬጋና፤ ኢዚ ኢስታ ሜቄታ ሊቂሳና፤ ኢስታ ዎንዳፌታካ ሜንሬ ዬጋና።

⁹ ሃይሲ ካዎቴይ ጋሞ ማላ ዛማዲ ኡቲዴስ፤ ማጫ ጋሞ ማላካ ዙጊ ኡቲዴስ፤ ኢስቲ ዛማዲ ኡቲዳሶሆፔ ኢስታ ዴንና ዳንዳይዛይ ኦኔ? ኔና ኣንጂዛዴይ ኣንጄቶ፤ ኔና ቃንጊዛዴይካ ቃንጌቶ» ጊዴስ።

¹⁰ ባላቄይ ሃንቆን ባ ኩሼ ባቂዲ ባላሜስ፥ «ታኒ ኔና ታ ሞርኬታ ቃንጋናስ ጼይጋዲስ፤ ጊዶ ኣቲን ኔኒ ኢስታ ሄቶ ኣንጃዳሳ።

¹¹ ሃኢ ጊዲኮ ኤሶን ጌዴ ኔሶ ባ! ታ ኔስ ዳሮ ሚሽ ኢማና ጋ ቃላ ጌላዲስ፤ ጊዶ ኣቲን ኔ ሄ ሚሻ ዴሞንታ ማላ ጾሲ ጎርዲዴስ» ጊዴስ።

¹² ባላሜይ ባላቄስ ዛሪዲ፥ «ኔኒ ታኮ ኪቲዳ ኣሳታስ፥

¹³ ‹ባላቄይ ባስ ዲዛ ቢራኔ ዎርቃ ኡባ ኢዚ ታስ ኢሚዛኮካ ታኒ ታ ሼኔን ኢታ ጊዲን ዎይኮ ሎኦ ኦናስ ጎዳ ቃላፔ ኣናስ ዳንዳይኬ፤ ታኒ ዮታናይ ጎዳይ ታስ ዮቶሮ ጻላ› ጋዳ ካሴ ታ ኢስታስ ዮታቤኪና?» ጊዴስ።

ባላሜይ ዮቲዳ ኦይዳን ቲንቢቴ

¹⁴ ዉርሴን ባላሜይ ባላቄስ፥ «ሃኢ ታኒ ጌዴ ታ ዴሬ ሲማ ባይስ፤ ጊዶ ኣቲን ታ ባናፔ ካሴታዳ ኢስራኤሌ ኣሳይ ኔ ዴሬ ኣሳ ቦላ ጋናይሳ ኔስ ቆንጪሳናስ ኮያይስ» ጊዴስ።

¹⁵ ሄሳፌ ጉዬ ኢዛስ ቲንቢቴ ዮቶ ዶሚዲ፥ «ኢዛ ኣይፌይ ዶዬቲዳዴይ፥ ቢኦሬ ና ባላሜይ ዮቲዛ ቲንቢቴ ቃላይ ሃይሳ፤

¹⁶ ጾሳ ቃላ ሲዪዛዴ፥ ኢዚ ኩንዲ ዲሺን ኢዛ ኣይፌቲ ዶዬቲን ዎልቃማ ጾሳፌ ኤራቴ ዴሚዳዴ፥ ኡባ ዳንዳይዛ ጾሳ ኣጁታ ቤኢዛዴ ኪታይ ሃይሳ።

¹⁷ ታኒ ኢዛ ቤኣይስ፤ ጊዶ ኣቲን ሃኢ ጊዴና፤ ታ ኢዛ ጼላይስ፤ ጊዲኮካ ሃኢ ማታን ጊዴና፤ ጾሊንቴይ ያቆቤፔ ቤታና፤ ካዎቴ ጉፌይ ኢስራኤሌፔ ኬዛና፤ ሞኣቤ ዜሬኔ ሴቴ ዜሬታ ኡባ ዲፒ ሂስቲ ይሳና።

¹⁸ ኤዶሜይ ጾኔታና፤ ኢዛ ሞርኬ ሴይሬይካ ኢዛስ ሃሬታና፤ ኢስራኤሌ ዴሬይ ጾኖይ ጾኖሺን ዳና።

¹⁹ ያቆቤፔ ዴሬ ኣይሲዛዴይ ኬዛና፤ ኢዚ ካታማ ጊዶን ኣቲዳይታ ፒቲ ይሳና» ጊዴስ።

ዉርሴን ባላሜይ ሃሳይዳ ሃሳያ

²⁰ ሄሳፌ ጉዬ ባላሜይ ጌዴ ኣማሌቄ ዛሪ ጼሊዲ፥ «ኣማሌቄይ ኡባፌ ኣዛ ዎልቃማ ካዎቴ፤ ጊዶ ኣቲን ኢዚ ዉርሴን ሜርናስ ያና» ጊ ቲንቢቴ ዮቲዴስ።

²¹ ጌዴ ቄናዌ ዴሬ ኣሳኮ ሲሚ ጼሊዲ፥ «ኔ ዱሳሶይ ኣማኔቲዳሶ ሚሳቲኮካ፥ ኔ ኬይ ዛላፌ ዎጬቲ ኬጼቲዳ ጊዲኮካ፥

²² ኢንቴኖ ቄናዌ ዴሬቶ! ኣሶሬይ ኢንቴና ጾኒዲ ዲኢ ኤፊዛ ዎዴ ኢንቴ ዉሪ ዉራና» ጊ ቲንቢቴ ዮቲዴስ።

²³ ዉርሴን ባላሜይ፥ «ጾሲ ሃይሳ ኦሺን ኦኔ ሼምፖራ ፓጻ ዳናይ?

²⁴ ኦላስ ዎራጂዛ ኣሳይ ማርካቤራ ቆጲሮሴፔ ያና፤ ኢስቲካ ኣሶሬኔ ኤቦሬ ይሳና፤ ኢስቲካ ባ ሁኤስ ሜርናስ ያና» ጊ ቲንቢቴ ዮቲዴስ።

²⁵ ሄሳፌ ጉዬ ባላሜይ ዴንዲዲ ጌዴ ባ ዴሬ ቢዴስ፤ ባላቄይካ ባሶ ሲሚዴስ።