1 Tesalonigɨ 1 - Gabri Maja

Pol leen̰ kalaŋ ga Tesalonigɨ lapɨya

¹ Na ɨŋ-bandi Pol bɨ, Silbɛ̰ bɨ Timote bɨ, ba gɨyɨn̰ dan̰ magtubu di kɛ le bɨn̰ Ka-Daye ga da Kumu ga a cay ƴaa-di-gumu di Tesalonigɨ, ga bugoŋge pɨna dan̰ Bayna Kumu bɨ, dan̰ Ba-gulɔŋ Jesu-Kɨris bɨ. Kuɗa gɨ Kumu laa ɗarwa danagɨŋ bɨ, bɨgɨŋ gusi-dɔbɛ bɨ.

Aye kudurɔ gɨ da kalaŋ ga Tesalonigɨ

² Ni leen̰ Kumu ho’o daa daa kol caygɨŋ nɔm bɨ, ni dɨl ɔlɛ Kumu kol caygɨŋ a ɔlɛ koni gɨŋ naŋ bɨ.

³ Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

⁴ Ay, karmɨnɨ ga ban̰aŋ dan̰ ga kandɨ, ni sol gɨ Kumu geygɨŋ bɨ, torgɨŋ ɗe agɨŋ na won̰ na kayi bɨ.

⁵ Kɨya wa bɛrnɛ di da Kɔl-gɨ-Ɗari gɨ ni tee bɨgɨŋ le, na dan̰ kɔl ƴɔbɨ naŋ, ama na dan̰ dɔnɔ bɨ, dan̰ gɨye-lɔɔ gɨ da Turnɔ ɗe-kuduroy-bɛrɛ bɨ, dan̰ bɔgɛ kudurɔ gɨ cɨndi bɨ. Kɨŋ sol haldɨni duroygɨŋ bɨ, gɨye-lɔɔdini kol caygɨŋ bɨ.

⁶ Kɨŋ bɨle ka-aye-cay-tɨbayni bɨ, ka-aye-cay-tɨbay Ba-gulɔŋ bɨ. Kɨɗɨn̰ ga kalaŋ dosɨde ɗugoygɨŋ gɨɗaŋ kalɨn̰ ma, kɨŋ ƴom kɔl gɨ da Kumu gusɨgɨŋ dan̰ gusi-mɔwa di sayga gusi Turnɔ ɗe-kuduroy-bɛrɛ.

⁷ Lee gɨ kɨŋ bɨle hɨnga ga ni ƴɔlɛ ga da ka-aye kudurɔ nɔm ga a cay gɨsəŋ ga Masedɨwan gaŋ bɨ, Agay gaŋ bɨ.

⁸ Kɨya wa kɔl gɨ da Ba-gulɔŋ gɨ sayga tagɨŋ le, bugoŋ na Masedɨwan bɨ, Agay bɨ ƴɔbɨ naŋ. Kɨya wa kalaŋ jege kol aye kudurɔ kogɨŋ bɨn̰ Kumu a cay kɨɗɨn̰ gaŋ nɔm, lee gɨ ni ɨran̰ dan̰ n̰agedi dɔrɛ koldi naŋ ɨni.

⁹ Kɨya wa kalaŋ nɔm dorge kol ƴɔmɛ gɨ kɨŋ ƴomni gusɨgɨŋ kɨɗɨn̰ ga ni ba orɨn̰ tagɨŋ le bɨ, te ɗɔɔ gɨ kɨŋ ɗe kulan̰əŋ coŋ bɨ, kɨŋ bɨle gusɨgɨŋ gusi Kumu gɨ hɨnde gɨ som-bɨra kɨya loon̰ gɨye koyi,

¹⁰ bɨ amɨn̰ Kurondi gɨ kɨya sɔ gɨɗɨgɨ-Kumu gɨŋ ɨrga le bɨ. Kurondi le na Jesu gɨ ban boyi lɨbɨ le. Kuduroy-hɔmɛ di ba kɨya caga le Kurondi gɨ nee le boɗɨni kɨbɨ nee coŋ.