Yoane 17 - UPANGANO UPYA

Mapepo yi Yesu

¹ Amaswi ya Yesu wafwansile, alingamila umwiyulu, afwanga ukuti: “Tata, ilifika ilya kutensha umwanako, ukuti umwanako nawe akutensye.

² Ndi fino wampile amaka uku yantu yoshi, ukuti yoshi yano wampa, ayape upuma wa manda ti.

³ Nupuma wa manda yoshi uli u, yakumanye we Leesa wenga uwa chumi na Yesu Klisto wino watumile.

⁴ Nati nkutensha kuno ukunsi, kuno natimala unnimo uno wanpile mbuombe.

⁵ Nga kasalaka Tata, unkushe nene ponga newe, uku ukulu uu kwene uno nali nao ponga newe intangulo ya kulengwa kwansi.

⁶ “Izina lyako nayamanyisha antu yaya yano wampile ukunzi. Yali ayako, wampa nene, niswi lyako yalilema.

⁷ Nga yamanya fino vyonsi fino wampile, fyafumile kuli wewe.

⁸ Kuno amaswi yano wampile, nayapa, nayo yayapokelela, yamanya ningo fino nafumile kuli wewe, yasumile fino wewe wantumile.

⁹ “Nene nduyapepela; ntalupepela ayanaunsi, leelo yao yano wampile, kuno yao ayako.

¹⁰ Na yoshi ayane ayako, na yako ayane; nene natensiwa muli yeneyo.

¹¹ Nemwi nta-chili-mo kaili un-nsi, leelo ya yalimo un-nsi, nene nisa kunuli. Tata Nswefu, uyasunge ya ukwisina lyako lino wampile, ukuti yawe ali yonga ndi yino tuli,

¹² Pano nali ponga nayo, nayasungaa ukwisina lyako, lino wampile, nayachingila, kusi nanti wenga pali yeneyo wino walowa, siku mwana wa kulowa, kuti Lyandiko lifikilile.

¹³ Leelo kasalaka nisa kunuli, na maswi ya nduyafwanga un-nsi, ukuti ukuchimba kwane kushule um-myenzo yao.

¹⁴ Nene nayapa iswi lyako, nukunsi kwayatuwa, kuno yao asi ya kunsi, ndi fino nene asi ne wa kunsi.

¹⁵ Ntalupepa ukuti uyaatishe ukunsi, leelo uyasunge uku njipe.

¹⁶ Yao asi ya kunsi, ndi fino nene asi ne wa kunsi.

¹⁷ Uyaswefye un-chumi; iswi lyako ali chumi.

¹⁸ Ndi fino wantumile nene ukunsi, ifino nene kwene nayatumile ukunsi.

¹⁹ Nu ku milandu yao nauswefya, ukuti nayo yaswepe un-chumi.

²⁰ “Ntalupepela yao sile, leelo na yaya yano yacha yansumila uku nnandu wiswi lyao.

²¹ Yoshi yawe ichili chonga ndi fino newe Tata uli muli nene, nene muli wewe, nayo yawe muli sweswe; ukuti amunsi yazumile fino wewe wantumile.

²² Nene ukulu uo uno wampile nayapa, ukuti yawe ichili chonga ndi fino neswe tuli ichili chonga.

²³ Nene muli yeneyo, newe muli nene, ukuti yawe ningo paliponga, ukuti amunsi yamanye fino wewe wantumile, wayakunda ndi fino wankunda nene.

²⁴ “Tata, yao yano wampile, ndusita yawe ponga nene ponsi panondi, ukuti yalole ukulu wane uno wampa, kuno wankunda fuma inkolelo ya kulengwa kwansi.

²⁵ Tata wa chumi, amunsi yatakumanyile, leelo nemwi nakumanyile, na yao yamanile fino wewe wantumile.

²⁶ Nene nayamanyisha isina lyako, na kaili nanjamanyisha, ukuti ulukundo lulu luno wankasama nene luwe muli yeneyo, nene mbwe muli yeneyo.”