Yakobo 4 - UPANGANO UPYA

Kukunda fya kunshi

¹ Isumo lilufuma kwi, nukulwa kwino kulufuma kwi? Asi mu kwene un-kukumbuka kwino kuno kuluchita isumo um-fyai fino?

² Mulukumbuka, leelo musi na chimwi; mulumola nu kulola usuwa, leelo kusi unsano umwi. Muluchita isumo nu kulwa. Leelo musi na chimwi kuno mutalupepa.

³ Nanti mwalomba mutangi mupiwe, kuno mululomba chino chitaile, kuti muviombele un-kukumbuka kwino.

⁴ Mwe yapundu mutamanyile fino ukuwa ni nkula ni vya nsi, ukuwa siluembu wi Leesa? Ichino chila wino akasime ukuwa katakwe wa nsi akuuchita siluembu wi Leesa.

⁵ Nanti mulwelengula fino Amaandiko yaluvwanga sile: Mweso uo uno watela muli sweswe, aluukumbuka nkani nu kuulolela uzuwa?

⁶ Leelo akulutulolela inkumbu nu kuluta; ichino akuluti: Leesa akulupingula yano yaluikuzya, leelo akulukumbukila yano yaluuchefya.

⁷ Ichino tontelini Leesa. Pingulini Chiwa, nawe wamwituka

⁸ Palamili kuli Leesa, nawe wammupalamila mwemwe. Swefyini amakasa ino, mwe ya maifyo, nu kufula imyenzo ino, mwe ya myenzo yili.

⁹ Kungumalini nu kulosya nu kulila. Ukuseka kwino kuwe ukulosya nu kuchimba kwino kuwe uku kungumala.

¹⁰ Wuchefyini apa maaso ya Mwene nawe wammukuzya.

uKuifikisha

¹¹ Yachane, mutachi tumpwilana; kuno wino alutumpwila nanti ukuputwila unnina, aluifikisya Masunde nu kuputwila Masunde. Leelo nguluputwila masunde, angi utalemile Masunde, leelo wemputuzi wakwe.

¹² Kafima wa ntambi na wino akuputula ali wenga mpele, uli wino angakufyusya nu kukonona. Leelo wewe uwini, ukuluputwila untu unnina?

Kuiwansa

¹³ Welengulini mwemwe yano muluti: Ilelo nanti iyulu tulwingila un-nsi umwi nu kwikala muo mwaka mpuma nu kuchuluzya nu kuzana unzano.

¹⁴ Leelo mutamanyile chino chiluwako iyulu. Upuma wino, Chene! ichani? Kuno umwemwi muli wisusuwe wino aluloleka uku kazimbo, na pa chisila ukutina.

¹⁵ Apakuti mungati: “uMwene ngi wakunda, tuluwa yapuma nu kuchita fi na filye.”

¹⁶ Leelo kasalaka muluuwanzya un-chilumba chino, ukuuwanzya konsi ndi kuo kwaipa.

¹⁷ Ichino wino amanyile ukuchita ivizipe, leelo ataluvichita, kuli wiyo wenewe iifyo.