Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Milimo 25 - UPANGANO UPYA


Paulo pali Festo

1 Walangi pano Festo wingile um-ulâsi wansi, ichisila cha manda yatatu wapita, wafuma uku Kaisalia, ukuya uku Yelusalemu.

2 Nga ayikolo iyakapela na ayikolo ya aYudea yannandila amaswi yi Paulo, yampapata.

3 Yalomba kunali ukuti atume yakannete uku Yelusalemu; yamba, kuti yamumole un-nzila.

4 Leelo Festo alanda, ati, Paulo wanyepwa uku Kaisalia, nene kwene nkasi ukuya kweneko zuwa.

5 Apano wavwanga, waati: “A ya maka pali mwemwe yapita ponga nene, ngi pali unnandu uku ntu wi, yakamtunonsye.”

6 Nga pano wikala kweneko amanda nnane nanti ikumi, aya uku Kaisalia. Nu wanda wa uwili awikala apitengo, asita Paulo aletwe.

7 Nga pano waya, aYudea yano yafumile uku Yelusalemu, yannizya, yanjifikizya ifintu tupu ivitale, fino yatangi yalolole.

8 Leelo Paulo auvwangila, ati: “Ntachili nchite chimwi ichiipe uku Ntambi ya aYudea, nanti uku ng'anda-nkulu-iyi-Leesa, nanti kuli Kaisali.”

9 Leelo Festo fino wakasi uku kundikwa na aYudea, amtondosya Paulo, ati: “Ulusita ukuya uku Yelusalemu, ukaputwilwe unnandu wako kweneko apa maaso yane?”

10 Paulo nawe ati: “Ngimilile pa apitengo li Kaisali, apano chiine mputwilwe. Ntachili nchite chimwi ichiipe uku aYudea, ndi fino newe kwene umanyile ningo.

11 Ichino ndi nene nachita viipe, nachita chimwi chino chiine nu kufwa, ntalukana ukufwa; leelo ndi ifintu vi fino yansitakile visi vyenevyo, kusi umwi wino angantalukila kuno yali. Ndusita ukuya kuli Kaisali.”

12 Pano Festo wavwanga nakombe ya mwitengo, nga annena, ati: “Ulusita ukuya kuli Kaisali, wanja kuli Kaisali!”


Paulo Pali Aglipa na Benise

13 Walanga amanda yamwi yasila, umwene Aglipa na Benise yaya uku Kaisalia, yalaulana na Festo.

14 Nga pano yikala amanda tupu kweneko, Festo alandila umwene amaswi yi Paulo, ati: “Epa kuli untu wenga, wino Feliki wasile umu nyololo.

15 Wino pano nali uku Yelusalemu, ayikolo iyakapela nakombe ya Yudea yandandile amaswi yaakwe, yasita kuti mputwile unnandu wakwe.

16 Nayanena fino intambi iyo isiko uku yaLoma, ukufima untu umwi, lino umononi achili alolane na kasitaki wakwe, nu kupiwa uwasa wa kuuvwangila kuli chino asitachilwe.

17 Ichino walangi yakongana pa, ntazimvile, leelo uku wanda uno walondelile, nikazile apitengo, nsita kuti untu wiyo aletwe.

18 Yakasitaki walangi pano yakatuka imilila, kutalolike ichintu chimwi ichiipe, ndi fino nelengulanga.

19 Leelo yapazyanyanga yamwi kuli wenewe uku dini yao akola, nu ku maswi ya ntu wenga Yesu, wino wafwile, wino Paulo achili alemisye ukuti umpuma.

20 Nene champotenkanya ivyakuti ngamanyikisya ningo amaswi ya, namtondosya ngalusita ukuya uku Yelusalemu, ukuno aputwilwe unnandu uku maswi ya.

21 Leelo Paulo asita kuti asyale-mo, kuche aputwilwe unnandu waakwe na Kaisali, ndanda kuti alolelwe fika na lino ndumtwala kuli Kaisali.”

22 Aglipa anena Festo, ati: “Nene kwene ndusita ukupulikisya untu wi.” Ati: “Ulumpulika iyulu.”

23 Kulucha untondo Aglipa awiza na Benise ni chikukumya nkani, nga awingila muno yakuluvwangila amaswi, ponga na asalifi akulu naikolo yanzi, Festo asita Paulo aletwe.

24 Nga Festo avwanga, ati: “Mwene Aglipa na yoshi yano muli pa ponga neswe, mwalola untu wi, uli wino amaumba yoshi aya aYudea uku Yelusalemu na pa kwene, yasita nu kumi chongo, ukuti chitaine alalu mpuma.

25 Leelo nemwi nalola fino atachisile chimwi, chino chiine nu kufwa; nga kuno unkola kwene uwino wasisile ukuputwilwa unnandu waakwe na Kaisali, nalola nkamtume kunali.

26 Ukuntu wiyo nsi niswi lya mpomvu lino ngakwandikila mwene wane. Ichino nanneta apa maaso ino, nkani apa maaso yako, wewe mwene Aglipa, kuti, ndi watondosiwa, indole iswi lya kwandika.

27 Kuno nalola asi iswi lya mano, ukutwala unnyepwa nanti kulanda chino wonona.”

New Testament in Fipa © United Bible Societies, 1988. Bible Society of Tanzania.

Bible Society of Tanzania
ကြှနျုပျတို့နောကျလိုကျပါ:



ကြော်ငြာတွေ