Aloma 7 - UPANGANO UPYA

Unndumbe wa kufumalila. Ntambi na maifyo

¹ Yachane, mutamanyile — kuno nduvwanga na yao yano yamanyile iNtambi — fino Ntambi ikululâsa untu pano achili upuma?

² Kuno umwanachi wino ali niya, anyefilwe ni ntambi kuli wiyo iya pano achili umpuma; leelo ngi wafwa iya wiyo, angi atasapulwa un-ntambi iyo.

³ Ichino pano iya achili umpuma, ndi wawa nu monsi unji, alwitwa fino umpundu. Leelo iya ndi wafwa, atasyala ikauwele, atanyefilwe ni ntambi iyo; nga asi umpundu, ngi angasakwa nu monsi unji.

⁴ Ichino yachane, nemwe kwene mwafwila uku Ntambi, uku nzila ya mwili wi Klisto, kuti muwe nsao ya unji, wino watutulwike uku yafwi, ukuti tusêkele Leesa ivisêke.

⁵ Kuno pano twali um-miele ya mwili, tama zya maifyo shali na maka uku nnandu wa Ntambi, shaombanga imilimo um-fyai fitu, apalinji twa-fyalila infwa vizao.

⁶ Leelo kasalaka twasapulwa un-Ntambi, twafwila chino chatunyepanga, ukuti neswe tummombele um-miele mipya iya mweso, asu miele iya kali iya lyandiko.

⁷ Tufwange uli leelo? Ntambi iifyo? Mwiko ta! Ngali intali-manye iifyo kwaula Ntambi; kuno ngali ntamanyile ukukumbuka, ngi Ntambi itali iti: “Utachikumbuka.”

⁸ Leelo pa nnandu wisunde liyo, iifyo lyakatusha ukukumbuka konsi um-mweso wane; kuno iifyo kwaula ntambi lyafwa.

⁹ Kali nali nupuma kwaula Ntambi; leelo pano lisile isunde, ifyo lyakatuka, nene nafwa.

¹⁰ Nalola isunde liyo lino lyapilwe ukuleta upuma, fino kuli nene nemwi lyaleta infwa.

¹¹ Kuno iifyo ukukusana uwasa ukwisunde liyo, lyasosishe na fiyo lyangumola.

¹² Ichino Ntambi inswefu, nisunde liyo iswefu ni lya chumi na lyazipa.

Isumo um-ntu

¹³ Chene! Lilye lino lyazipa lyawile infwa kunondi? Mwiko ta! Leelo iifyo ukuti liloleke fino iifyo kwene, lya-chisile infwa muli nene uku nzila ilya inzipe, ukuti ukwisunde lilye iifyo lilusye ukuwa iipe nkani.

¹⁴ Kuno tumanyile fino Ntambi akafumo kakwe uku mweso; leelo nemwi nene ntu wa mwili, nakaziwe um-maifyo.

¹⁵ Kuno ntamanyile chino nduchita; kuno chino nkasime ntakuomba, leelo chilye chino natuwa ichino nduomba.

¹⁶ Leelo ngi nduchita chilye chino ntakasime, nduzumila iNtambi ilye fino izifile.

¹⁷ Ichino fwandi asi nene wino aluchita fiyo, leelo iifyo lilye lino litenzi muli nene.

¹⁸ Kuno manyile fino muli nene, ali kuti unkasi ya mwili wane, chitatenzi chimwi chizipe. Kuno ukusita ndusita, leelo ukuomba chino chazipa kusimo.

¹⁹ Kuno chizipe chino nkasime ukuchita, ntakuchichita, leelo lilye lifu lino ntakasime, ilino nduchita.

²⁰ Ichino fino ntakasime lili lino nduchita, asi nene wino aluchita, leelo iifyo lino litenzi muli nene.

²¹ Ichino nalola intambi yi, fino kuli nene ngi nkasime kuchita lino lyazipa, liwapo lino lyaipa.

²² Kuno nduchimbila intambi yi Leesa ku ntu wa nkasi,

²³ leelo um-vyai vyane ndulola intambi inina, ilulwa isumo ni ntambi ya mano yane, nu kumposya ku ntambi ya maifyo ino ili um-vyai vyane.

²⁴ Akalanda kane! Ne mpina! Uwini wino wanfyusya nu mwili u uwa nfwa?

²⁵ Ndusamalisha Leesa kuli Yesu Klisto, Mwene witu! Ichino ndi fiyo, nene ne nkola uku mano yane nduombela Intambi yi Leesa, leelo uku mwili wane intambi ya maifyo.