Aeblania 5 - UPANGANO UPYA

¹ Kuno Kapela-nkulu wensi wino wasololwa unjantu, wimikwa uku nnandu wa antu, ukuti ayaombele kuli Leesa, ukuti afime amawila ni vipelo ukumaifyo yao.

² Wino angayakumbukila uku utonsu wao yano yatamanyile na yano yalowa, kuno nu nkola kwene ali ni miele ya utonte.

³ Ichino fiyo chinnungime ngi uku nnandu wa antu, ifiyo kwene na pa lwakwe unkola, ukufima ivipelo uku nnandu wa maifyo.

⁴ Nga kusi untu wino angautolela ukulu uo unkola, siku wino witwa na Leesa, ndi kuti Aloni,

⁵ Ifino Klisto nawe kwene, ataukusishe apa lwakwe ukuwikwa kuwa Kapela-nkulu, leelo unkola wino wannenile, ati: “Wewe uli Mwanane, ilelo li nakuvyala.”

⁶ Ndi fino avwanzile pa nina, ati: “Wewe uli kapela wa manda ti, ndi fino Melkisedeki wali.”

⁷ Wino pano watensi kuno ukunsi, wapepanga nu kupapata nu kulila nkani na monsosi kuli Wiyo wino angamfyusha, ninfwa; wapulikikwa kuno wali ni chopo kuli Leesa.

⁸ Nanti fino walu Mwana, wasambilile ukusumila ku nsila ya machulo.

⁹ Nawe pano wamalila ifintu fyoshi, wapa ufyusi wa manda yoshi uku yantu yoshi yano yalumsumila.

¹⁰ Apano witwa na Leesa kuwa Kapela-nkulu, ndi yino Melkisedeki wali.

Kusokesha

¹¹ Wino tuli na maswi tupu aya kulanda um-ifintu fyaakwe, leelo chatala ukumulandila, kuno mwawa yakosu ya kupulika.

¹² Kuno pano chimulungime ukuwa yakasambilisha, kuno amanda tupu yasila, mulusita ukusambilisiwa nu ntu amasambilisho ya ntangulo aya maswi yi, Leesa; nemwe muchili mulusita iyele, leelo asi chulya ichikomu.

¹³ Kuno chila ntu wino akulung'wa isia, atamanyile nkani iswi lya mpomfu, kuno umwana nnono.

¹⁴ Leelo ichulya ichikomu icha yantu yapuma, yano amano yao ukukuombela yawelela ukumanya ifisipe ni fiipe.