1 Tesalonike 2 - UPANGANO UPYA

Chino Paulo wachita uku Tesalonike

¹ Kuno yachitu, mwe yakola mumanyile, fino kwisa kwitu kuno muli kutali ukwa sile.

² Uku Filipi kuno twatangwile, yatuumile nu kutulyanya ifiipe, ndi fino mumanyile, leelo Leesa witu watupa imyeso ya kuyumila imbila yi iswisipe lyi Leesa nanti kopa nu kuilwila nkani.

³ Kuno kusokesha kwitu kusi kwa kumulofya nanti ukumufisha, nanti uchenjesi.

⁴ Leelo ndi fino twamanyika kuli Leesa, fino swe ya chumi, tuine ukupiwa iswi-sipe ndi fino tululanda; asi kuti tusifye uku antu, leelo tusifye kuli Leesa, wino akulumanyikisha imyeso itu fino ili.

⁵ Kuno tutali na maswi ya kuipapatisha nanti limwi, —ndi fino mumanyile, nanti amaswi ya piyulu-piyulu ayakufisa ifya pa lwitu —Leesa i shuta.

⁶ Tutachili tusite ukulu uku antu, nanti kuli mwemwe, nanti uku yanji; nanti twali tumunwamile wa mitume yi Klisto.

⁷ Leelo kuno muli twatonsile ndi fino kalela akulelela anakwe unkola.

⁸ Neswe kwene, uku lukundo lukulu, twakasi kumupa uku kuchimba, asi iswi-sipe lyi Leesa sile, leelo ni myeso itu kwene, kuno mwawa yakundikwa itu.

⁹ Kuno yachitu, mumanyile amachulo nu kusamala kwitu; kuno usiku nu nsanya twaomba imilimo, kuti tutilikila umwi, tumusunde iswi lyi Leesa.

¹⁰ Mwemwe yashuta na Leesa kwene, fino twatesi kuno muli mwe yano mwasumila, uku uswepe nu ku chumi nanti kusumbikilwa.

¹¹ Ndi fino mumanyile, fino twasusile chila ntu nu kumukomya imyeso, fino chili isi nanakwe unkola,

¹² nu kwimikila ushuta, kuti muwe ndi fino chimuile pali Leesa, wino alumwita mwingile um-wene waakwe num-ukulu wakwe.

¹³ Ichino neswe tulusamalisha Leesa nanti kuta, kuno pano mwapokelile iswi lya mbila ilyi Leesa lino mwapulika kuno tuli, mutalipokelile wiswi lya antu, leelo wiswi li Leesa, ichumi ifino lili, lino liluomba unnimo unkasi ino, mwe yano mwasumila.

¹⁴ Kuno mwe yachitu, mwali yalondeshi ya makongani yi Leesa, yano yali um-Yudea, muli Klisto Yesu, kuno mwazanilwe na machulo yaya kwene uku yantu ya kumwino, yano nayo kwene yasanile uku aYudea.

¹⁵ Yano yumosile uMwene Yesu ponga na malau, nu kutuzunya sweswe, nanti Leesa yatamsipile, nanti ukuwa ni nkula nantu yoshi.

¹⁶ Na kuno angi yalutulesya, kuti tutavwanga na akulukuwa kuti yafyusiwe, ichino yasusha amaifyo yao manda yoshi. Leelo ukali wayazana fika nu kusila.

¹⁷ Leelo swemwi yachitu, twatana nemwe uku manda mache, uku kulolana, kusi ku mweso, twasile tulukumbuka nkani nu kumulûka tulolane uku maaso yitu.

¹⁸ Ichino twakasime twize kuno muli, endita, nemwi Paulo nakasime ukwiza lyonga nanti luwili, leelo Shetani watulesenkanya.

¹⁹ Kuno utailo witu nu kuchimba kwitu, nanti nkata ya kuivunila ichani? Chene! asu mwemwe apa maaso ya Mwene witu Yesu, pano wacha wiza?

²⁰ Kuno mwemwe muli ukulu witu nu kuchimba kwitu.