1 Kolinto 8 - UPANGANO UPYA

Nyama zino zyafimwa uku vilui

¹ Nu ku maswi ya ifintu fino vyafimwa uwila uku myao, tumanyile fino swensi tuli na malango. Malango yaku-leta kuutensya, leelo ulukundo lukulukuzya.

² Ndu ntu umwi alwelengula fino amanyile chimwi, atamanyile ndi fino chinjile ukumanya.

³ Leelo ndu ntu umwi wakunda Leesa, wiyo wamanyika na wenewe.

⁴ Ichino uku nnandu wa kulya ifintu fino vyafimwa uwila uku myao, tumanyile fino myao isi na maka kuno ukunzi, na fino kusi Leesa, leelo wenga sile.

⁵ Kuno nanti yalipo yano yakuluti ayaleza, mungawa umwiyulu nanti ukuno ukunzi—ndi fino kuliko yaleza ainji na ene tupu

⁶ leelo swemwi kuno tuli Leesa ali wenga mpela, nawe i Tata, wino ifintu vyonsi vyafumile kunali, neswe tutenzi kuli wenewe, kaili kuli nu Mwene wenga, Yesu Klisto, wino ifintu vyonsi vyaombike kuli wenewe, neswe kuli wenewe.

⁷ Leelo malango ya yasimo unjantu yoshi. Leelo yamwi yausansaula uku myao, yalulya ni ifintu fino vyafimwa uku myao nu kuilongwela kwao kuno kusi na maka, kulukowe la.

⁸ Leelo ifyakulya vitakututwala pali Leesa; kuno nanti tutalile, tutaulilwe chimwi, nanti twalya, tutalungiliziwa chimwi.

⁹ Leelo mulolae amaka yino yatiza yatukizye yamwi yano yasi na maka.

¹⁰ Kuno ngu ntu wakulola wemwi we wino uli na malango, ukwimulwa ichakulya un-ng'anda ya myao, Chene! iswi-lya-mweso uku ntu wiyo wino asi na maka, lusukoma, ukuti nawe kwene alye ifintu fino vilufimwa uwila uku myao?

¹¹ Na wiyo wino asi na maka, malango yako yaluleka alowana, nawe kwene uwachitu Wino Klisto wamfwilile.

¹² Ali ngi mwanjifya uku yachinu, nu kuchisa iswi-lya-mweso yao lino lisi na maka, muluchitila Klisto amaifyo.

¹³ ichino ichakulya ngi chilulyikizya uwachane, ichumi angi ntalusya ndye inyama manda yoshi, kuti ntalyikizye uwachane.