1 Kolinto 5 - UPANGANO UPYA

Maifyo mwi kanisa

¹ Umwenemo kwene imbalu zyalimba fino kimo muli kuli upundu, upundu uno nanti uku yakulukuwa usi kweneko, untu ukuwa na nka isi.

² Nemwe muluuwanzya nanti kulola chikonko, ukuti atisiwe muno muli untu wino wachisile ichintu chiyo.

³ Kuno ichumi nemwi nginsi kweneko kuno muli uku mwili, leelo ndipo ukumweeso, nemwi nenkola ntiputula unnandu wakwe wino achisile ichintu chiyo, ungati ndi penepo.

⁴ Pano tulukongana, mwemwe numweeso wane, na maka ya Mwene witu Yesu,

⁵ mwizina lya Mwene Yesu tumpe Shetani untu ndi wiyo, kuti amonone umwili wakwe, leelo umweso kuche ufyuke apa wanda wa Mwene.

⁶ Ukuutensya kwino kutazifile. Mutamanyile fino isasyo ziche zikulusasya ikamantwa lyonsi?

⁷ Mutisye insasyo zya kali na pyu, muwe ikamantwa lipya; ndi fino muli mutatezilwe insasyo. Kuno itufyulilwa infwele itu iya Pasaka, ali Klisto.

⁸ Ichino tulye ichimulo, chisi ni nsasyo zya kali nanti insasyo zya kuifya nuipe, tupate fino vitasasile, ali uswefu wamweeso ni chumi.

⁹ Um-mbaluwa yane namwandikile mwemwe fino mutachuminkana na apundu.

¹⁰ Ntavwanzile fino mutachuminkana napundu ya kuno ukunzi, nanti ayano yalukumbuka, nanti ayakapoka-vyaantu, nanti ayakapepa-ya-myao, kuno pao chali chiwe ichakuti, mutine kuno ukunzi.

¹¹ Leelo li kwene namwandikile, ukuti: mutachuminkana nu ntu wino muluti uwachitu, ngu umpundu, nanti ikakumbuka, nanti kapepa-wa-myao, nanti uwa ntusi, nanti unkolesi, nanti ikapoka-vya-antu; untu ndi wiyo mutachizumile nanti ukulya nawe.

¹² Kuno ichani ngi naputwila aya kunzi. Ngi mwemwi musuputwila yano muli. nayo?

¹³ Kuno akunzi Leesa angayaputwila. Mwemwi tisyini untu njipo, atine muno muli.