1 Kolinto 2 - UPANGANO UPYA

¹ Ichino yachane, pano nizile kuno muli, ntizile kuti imusundile usyuta wi Leesa uku kumanya amaswitupu, nanti uku mano.

² Kuno nakasime kuti ntamanye chimwi kuno muli siku Yesu Klisto, nawe wakonkomilwe.

³ Nene naliko kuno muli uku kutonta ni ngofi nu kutetema ndi.

⁴ Iswi lyane nu kusunda kwane kutali uku maswi ya mano aya kutunkola amano ya antu, leelo uku ulangizyo wa Mweso na maka.

⁵ Kuti ukuzumila kwino kutawa ukwa ku mano ya antu, leelo uku maka yi Leesa.

Mano ya chumi

⁶ Leelo kuli amano yano tuluvwanga apa antu ya kapanga. Nga yasi mano ya nsi yi, nanti ayi yano yalâsile insi yii, yano yalusila.

⁷ Leelo tulufwanga ainano yi Leesa um-melengwe, amano yalye yano yafisama, yano Leesa wakasime fuma kali, uku ukulu witu.

⁸ Yano yalâsile insi yi yatamanyile, nanti wenga; kuno ngangi yayamanyile, yatali yumole uMwene wa ukulu.

⁹ Leelo ndi fino chaandikwe: “Ifintu fino ilinso litafiwine, nanti ikutwi litafipulike, nga fitingile nanti um-mweso wa ntu! Ifintu fino Leesa wateyanyizizye yano yamkunda.”

¹⁰ Leelo Leesa watusokolwela swemwi uku Mweso, Kuno uMweeso ukulusitisya vyonsi, na maswi matale ayi Leesa kwene.

¹¹ Kimo uwini apa yantu wino amanyile ifya yantu, ngasumweeso wa ntu uno uli munali? Ifino ni ifintu vya kuli Leesa kwene, kusi wino avimanyile, siku uMweeso wi Leesa mpela.

¹² Leelo swemwi tutapokelile umweso wa kuno kunzi, leelo uMweeso uno ufumile kuli Leesa, ukuti tumanye uwila wa nkumbu uno twapiwa na Leesa:

¹³ Na tukuuvwanga, kusi ku maswi yano yalusambilishiwa na mano ya ntu, leelo yano yalusambilishiwa nu Mweso, angi tulusiula ifintu vyamweeso uku maswi yamweeso.

¹⁴ Leelo untu wa ntambi-ya-kali atakupokelela ifintu fya Mweso wi Leesa, kuno wene kuli wenewe uwelewele, nga atangi avimanye; kuno vikulumanyika ukumweeso mpela.

¹⁵ Leelo untu-wa-mweso akuliimanyikisya vyonsi, nga wene nanti kuputwilwa na umwi.

¹⁶ Kuno uwini angamanya amelenguzi ya Mwene, kuti ammanyisye? Leelo swemwi tuli na melenguzi yi Klisto.