1 Kolinto 13 - UPANGANO UPYA

Lukundo

¹ Nanti ngavwanga uku ndimi zya antu ni zyi yamalaika, ngi nsi nu lukundo, nawa wa nyenjele nanti wa nsawa zino zilulila.

² Nanti pano ngawa kalauzya, nu kumanya amelengwe yoshi nu kumanya konsi, nanti indi nusumilo onsi uwa kusamya imyamba, ndi nsi nu lukundo, angi nsi chimwi.

³ Nanti ngafima usavi wane onsi, ukulyisya apina, nanti nafima umwili wane mpye nu moto, ngi nsi nu lukundo, ali ntakwite chimwi.

⁴ Ulukundo luli ni chelelezi; lukundo lukusungula; ulukundo lutakuzuwila; lukundo lutakuikuzya; lutakuiwanzya.

⁵ Ulukundo lutakufwitosya; lutakusita ivyaakwe sile; lutakulakalisya, lutakwala iviipe.

⁶ Lutakuchimbila ichisi cha kapanga, leelo lukuchimbila uku vya chumi.

⁷ Lukumyalazya muli vyonsi, lukuluzumila vyonsi, lukulutaila vyonsi, lukuteka umweso muli, vyonsi.

⁸ Ulukundo lutakusila nanti limwi, leelo ngi kuli ulau, ulusila; nga ndi kuli imivwango, ingatuzya; ngi kuli ukumanya, kuluwa ukwa uwelewele.

⁹ Kuno tumanyile uche, na tululausha uche.

¹⁰ Leelo pano chacha chiza chipuma, chiyo chino chamanyika uche, chilusila.

¹¹ Pano nali mwanche, navwangaa wa mwanche, namanyile wa mwanche, nelengulanga wa mwanche. Leelo pano nakula, nata ivya chanche.

¹² Kuno kasalaka tululola ichiyeye un-chilole, leelo amakati ya chisila tululola na maaso ningo. Apa kasalaka manyile uche, wene lili ndumanyikisya nkani, ndi fino nene manyike nkani.

¹³ Ichino chasyalila usumilo, nutailo nu lukundo, vitatu; ni chikulu pali vi ulukundo.