1 Kolinto 10 - UPANGANO UPYA

Tutalondela aIslaeli un-nusanga

¹ Kuno yachane, ntakasi kuti mutamanya, fino yatata itu yoshi ipufi lyayakupikishe, na fino yoshi yalamvile yemba.

² Yoshi yabatiziwa kuli Mose umwi pufi na muli yemba.

³ Yoshi yalya ichakulya chichi kwene ichamweeso.

⁴ Yoshi yanwa ichakunwa chichi kwene ichamweeso, kuno yanwile amasi yano yafumile um-mwamba wamweeso uno walondekine nayo, nu mwamba uo i Klisto.

⁵ Leelo ainji muli yeneyo yatamzifizye Leesa; ichino yumozilwe undusanga.

⁶ Ichino ifintu vi vyaombike ukuti tusambilile kuli vyenevyo, ukuti tutawa yantu ya kukumbuka iviipe, ndi fino yao yakumbukanga.

⁷ Mutachipepa nanti myao, ndi fino yamwi yali, ndi fino chaandikwe: “Antu yatenzi ukulya nu kunwa, nga yakatukakuti yachine.”

⁸ Tutachichita nanti ivya upundu, ndi fino yamwi pali yeneyo yachisile, yafwa antu ielfu amakumi yaili na yatatu apa wanda onga.

⁹ Tutachezya nanti uMwene ndi fino anji pali yao yamwezizye, yalumwa ni nzoka.

¹⁰ Nanti ukung'wi-ngw'intika, awe, wa yanji pali yao, yano yalile yang'wing'wintika, yumolwa nu mononi.

¹¹ Leelo fino fiyo vyayazanile ukuwa chilangizyo; vyandikwe uku kutusunda sweswe, yano twafika apa manda ya mpelelekezyo.

¹² Ichino wino aluwelengula fino awimilile, alole atapona

¹³ Mutachili mweziwe chakuti mungapotwa; Leesa uwa kutailwa, wino atangi amute mweziwe ukuluta amaka ino; leelo ponga nu kweziwa kuo, angachita unnyango wa kufumila, ukuti mutekane.

Chakulya cha Mwene

¹⁴ Ichino yachitu, mutaluke ukupepa imyao.

¹⁵ Nduvwanga nemwe kuno muli na mano. Mumanyikisye fino nduvwanga.

¹⁶ Untonto wa upepelelo uno tukupepelela, Chene! usi wa wankanyi wa wazi wi Klisto? Unkate uno tukukunyola, usi wankanyi wa mwili wi Klisto?

¹⁷ Kuno unkate uli onga, neswe swe inji tuli umwili onga, kuno swensi tukulya chimwi icha nkate onga.

¹⁸ Lolini aIslaeli fino yali uku kuvyalwa: yano yakulya ivipelo, Chene! yasi nu wankanyi ni altale?

¹⁹ Ngantuli? Vino chino chafimwa uwila uku myao ichintu? Nanti imyao ichintu?

²⁰ Awe, leelo ifintu fiyo fino vilufimwa uwila vilufimwa uku myao, kusi kuli Leesa; nene ntakasime ukuti muwe nu wankanyi ponga ni myao.

²¹ Mutangi munwele imtonto wa Mwene na wa myao. Mutangi mulyile apa meza ya Mwene ni ya myao.

²² Nanti Chene! tukulukatusizya uMwene uzuwa? Chene! tuli na makaukunnuta?

uLukundo kuli yano yatonta.

²³ Kusi chino chashilishiwa, leelo asi vyonsi fino vyazipa. Kusi chino chashilishiwa, leelo vyonsi vitakukuzya.

²⁴ Umwi atasita unzano wakwe unkola, leelo asite uwa wachakwe.

²⁵ Chonsi chino chaandikilwe apa sokoni, ukulukulya nanti kutondokesya uku nnandu wiswi-lya-mweso.

²⁶ Kuno insi iyi Leesa na vyonsi fino vili mwenemo.

²⁷ Nuntu wino atasumile Leesa ndi wamulalika, nemwe mulusita ukuya, ukulukulya chonsi chino yateka pano muli, nanti kutondokesya uku nnandu wiswi-lya-mweso.

²⁸ Leelo ngi umwi wamunena, fino ichintu chi chafimwa uwila uku myao utachiiya, uku nnandu wakwe wino wamunena, nu ku nnandu wiswi-lya-mweso.

²⁹ Nalanda fino iswi-lya-mweso lisi lyako wenkola, leelo ilyi wiyo unji. Kuno kuni chani ukuuwela kwane kukaniwe niswi-lya-mweso lya ntu unji?

³⁰ Nemwi ngi fino ndulya chino napiwe uku nsamalizyo, ndutukwa uli uku ifintu fino nsamalilishe Leesa?

³¹ Ichino ngi mululya nanti mulunwa nanti chonsi chino muluomba, muviombe uku utensyo wi Leesa.

³² Mulolae mutayafwitosya aYudea nanti aGliki nanti ikongani li Leesa.

³³ Ndi fino nene kwene nkulwezya ukuzifya uku antu yoshi um-ifintu vyonsi, nanti kukulila kunondi, leelo uku nzano wa ali inji, ukuti yafyusiwe.