Zaburi 3 - Kifuliiru

E Rurema, uyimukage, gira ungize

¹ Izaburi ya Dahudi, ku kyanya akatibita mugala wage Habusalumu.

² E Nahano, abagoma baani bakoli luguusiri, banakola mu yiji ndeera.

³ Kwo bali bingi, bagweti bagambonyoleza, ti: «Honyo! Si Rurema atâye múkize!»

⁴ E Nahano, kundu kwokwo, we siribo yani. Ee! We gweti ugambiika mwoꞌbulangashane, iri unanguza.

⁵ Ikyanya ndi mu lira imbere lyawe, uli mu njuvya ukulyoka ku mugazi gwawe mutaluule.

⁶ Bwo Nahano ayamiri andaaziri, ndi mu gwejera, ninayami toola iro lyeꞌkimbodooto. Na ha nyuma, na njubi vyuka.

⁷ Kundu ngoli zungulusirwi neꞌbinoono byaꞌbagoma, ndaakyo kyoba nyuvwiti.

⁸ E Rurema Nahamwitu, uyimukage maashi, gira ungize. Abagoma baani, we mu bangomoolera mu migeka. Ee! Banangora-mabi, we mu bahoohola amiino.

⁹ E Nahano, we mu kiza abandu baawe. Kwokwo, ukizi bagashaanira.