Zaburi 14 - Kifuliiru

Abandu bakoli sherebiiri

1 Imwoꞌmwimangizi waꞌbimbi. Izaburi ya Dahudi.

¹ Imwoꞌmwimangizi waꞌbimbi. Izaburi ya Dahudi. Ngiisi ábalahiiri kwo Rurema ndaaye, bali bahwija ngana-ngana. Ee ma! Yabo bandu, bakoli sherebiiri. Ngiisi byo bagweti bagaagira, bikoli bihuusiri. Mu kati kaabo, ndaaye úli mu gira amiija.

² Nahano, kwo ali mwiꞌgulu, agweti agalangiiza abandu booshi, gira alonge ukumenya iri hangaba hali umundu mwenge, kandi iri úgweti úgamúlooza.

³ Si booshi keera bakahabuka, banakoli sherebiiri. Ndaaye úli mu gira amiija, kiri noꞌmuguma.

⁴ Rurema abuuza: «Balya banangora-mabi, ka batâye sobanukirwe? Si batali mu ndabaaza, banali mu janganula abandu baani, nga bagweti bagavwajagira ibyokulya.»

⁵ Kundu kwokwo, bagaki shenguka neꞌkyoba. Haliko, ngiisi ábakwaniini boohe, Rurema, bayamiinwi.

⁶ Mwe bakozi baꞌmabi, ngiisi byaꞌbakeni bali mu shungika, muli mu yiji bishereeza. Kundu kwokwo, Nahano agakizi balanga.

⁷ Bwangabiiri bwija Abahisiraheeri balonge ubukize ukulyoka i Sayuni. Ikyanya Nahano agagalula abandu baage ukulyoka mu mahanga, beene Yakobo bagakizi shambaala. Ee ma! Beene Hisiraheeri bagashagaluka ngana-ngana.