Zaburi 128 - Kifuliiru

Bahiriirwi ngiisi ábali mu simbaha Nahano

1 Luli mu yimbwa na ábali mu zamuukira i Yerusaleemu.

¹ Luli mu yimbwa na ábali mu zamuukira i Yerusaleemu. Bahiriirwi, ngiisi ábali mu simbaha Nahano, banakizi múkulikira.

² Yabo bandu, ngiisi byo bagweti bagahimbukira kwo, bagaabilya, banakizi gashaanirwa, iri banagenduukirwa.

³ Mu nyumba yawe, mukaawe agakubutira abaana bingi, nga muzabibu úgutongesiri kweꞌbitumbwe bingi. Bagala biinyu, ikyanya bagaaba babwatiiri ku kashasha, bagakuleetera amiija, nga shibwe zeꞌmizehituuni.

⁴ Ngiisi úgaaba úsimbahiri Nahano, kwokwo kwo agakizi gashaanirwa.

⁵ Nahano akizi kugashaanira, ukulyoka mu kaaya keꞌSayuni. Ee! Ubonage ngiisi kweꞌYerusaleemu igakizi genduukirwa,

⁶ unalonge ukubona kiri na bijukulu baawe. Mu kihugo kyaꞌBahisiraheeri, mukizi ba umutuula.