Yeremiya 45 - Kifuliiru

Rurema atuma Yeremiya imwa Baruki

¹ Ku kyanya mwami Yoyakimu mugala Yosiya, akahisa imyaka ina atwaziri mu Buyuda, lyo Yeremiya akabwira Baruki mugala Neriya kwo ayandike gano magambo mu kitaabo, ti:

^2-3 «E Baruki, Nahano Rurema waꞌBahisiraheeri ayuvwa ngiisi kwo ukadeta kwokuno: “Yayewe imwani! Si Nahano akola mu shubi nyushuulira amalibu! Keera nagongeera, na ngoli luhiri, ndaanaho nangaluhuukira.”

⁴ «Ku yukwo, Nahano adeta kwo mbwire Baruki kwokuno: “Hooshi mu kino kihugo kyeꞌBuyuda, kundu nꞌgakiyubaka, haliko ngashubi kihongola. Ngiisi byo nꞌgabyala yo, ngashubi bibyaluula.

⁵ «“E Baruki! Buno ukiri mu yifwija kwo nangakugenduusa. Aahabi! Si ngola ngahaniiriza abandu booshi ba mu kino kihugo! Kundu kwokwo, ngiisi ho wenyene ugagenda, ngaaleka ufuushuke.”» Kwokwo, kwo Nahano adesiri.