Ester 10 - Dewtere Laamɗo Fulfulde Burkina Faso

No Mordakay teddiniraa

¹ Kaananke Jerjes doolɗi jooɗiiɓe fonngo maayo e jooɗiiɓe nder leyɗe keddiiɗe fuu yoɓude lampo.

² Haala kujje mawɗe ɗe Jerjes waɗiri e baawɗe e no waɗiri Mordakay tedduɗo fuu na winndaa ley dewte kabaaru kaanankooɓe Mediya e Persi.

³ Noon Mordakay laatorii dewtuɗo kaananke e manngu. Imo laatii neɗɗo tedduɗo sanne yeeso sakiraaɓe makko Yahuudiyankooɓe de ɓeen du, njiɗi mo sanne. O gollanii ɓe gollal lobbal e daranaade ndeenaagu lenyol makko faa jooɗoo e jam.