Ayuuba 25 - Dewtere Laamɗo Fulfulde Burkina Faso

Haala Bildat tataɓa: Hono Laamɗo walaa

¹ Ndeen Bildat Suhankeejo jaabii wi'i:

² — Laamɗo jeyi laamu, wo kam jeyi huleede, o tabintinii jam dow kammuuli to o woni toon.

³ Yalla ori konunkooɓe makko na mbaawi limeede naa? Moy du woni yi'aay jayngol makko?

⁴ Ndelle neɗɗo wo ɗume faa wi'a Laamɗo «miin jeyi goonga»? Mo debbo rimi waawan laataade laaɓuɗo naa?

⁵ Ay, to makko fay leelewal ɗelkataa, fay koode kammu du laaɓaa yeeso makko.

⁶ Sakko tagaaɗo, laatiiɗo ngilngu tan! Ɓii Aadama le wo njoolaanga leydi tan!