Pesalemo 11 - Tosi Tapu

Ko le fanaki ki le gaoi a le Atua

¹ Ki le pule o le kau sua. Pesalemo a Tavite. Ko le Eteleno leia e kau afa ai se mumuniaga. Pe mafai feaki ke kotou pati mai kiate au : Sola ki okoutou mauga, ofaipe se manu lele ?

² Talie ko leinei, e teuteu e le kau agaveli alatou kalolo, E lotou fakapipiki alatou gasau ki va, Ke kaloloi i le fakapouli latou ala e loto sako.

³ Kapau e maumau a fakatafito, Kolea e fai loa e le tagata agatonu ?

⁴ E nofo le Eteleno i lona fale maokioki, E maua e le Eteleno lona ekeekeaga fakasau i le lagi ; E tio ona mata, E tilo e ona laumata a vosa o le tagata.

⁵ E tilo e le Eteleno le loto o le tagata agatonu ; E vesia a ia ki le tagata agaveli mo leia e fiafia i le agamakeke.

⁶ E fakato e ia ofaipe se ua ki le kau agaveli Ni malala kaka, mo se afi, mo se sufele ; Mo se matagi vevela, ko le kalise lena e tonu ke lotou inu.

⁷ Talie e faitotonu le Eteleno, e alofa a ia ki le faitotonu. E tio a tagata maokioki ki ona mata.