Lua tosi o Koloniko 27 - Tosi Tapu

Sotame, sau o Suta

¹ Na sau Sotame i lona fetuu kau lua tupu lima, ti na sau loa a ia i fetuu e kau agafulu tupu ono i Selusalemi. Na igoa lona tinana ko Selusa, taine o Satoke.

² Na fai loa e Sotame le nea leia e totonu ki mata o le Eteleno, o fakatatau ki nea fuli ala na fai e Osiasi, lona tamana. Kae na leaise ulu loa a ia ki le fale tapu o le Eteleno. Kae na koi tausi le kakai ki taulaatua.

³ Na lagai loa e Sotame le matapa taualuga o le fale o le Eteleno, ti na fai loa e ia ni gaoi mauke i aluga o kaua o le mauga.

⁴ Na lagai loa e ia ni kolo i le mauga o Suta, mo ni fale makeke, ti mo ni tule i le vao.

⁵ Na tau loa a ia mo le sau o vosa o Amone, ti na malo loa a ia ia latou. Na soli loa e vosa o Amone kiate ia i le fetuu lena ni fa tenalio siliva e tolu, mo fua fulumeto e kau agafulu afe, ti mo fua olese e kau agafulu afe ; ti na lotou toe soli o tatau i le lua mo le tolu o fetuu.

⁶ Na liliu loa Sotame o makeke, talie na saele a ia i ala o le Eteleno lona Atua.

⁷ Ko le toe o gaoi a Sotame, ana tau fuli mo nea fuli ala na fai e ia, e tosi le nea lena i le tosi fakamatala ki sau o Iselaele mo Suta.

⁸ Na sau a ia i lona fetuu kau lua tupu lima, ti na sau loa a ia i fetuu e kau agafulu tupu ono i Selusalemi.

⁹ Na moe loa Sotame mo ona tamana, ti na tanu loa a ia i le kolo o Tavite. Ti na sau loa Akase, lona vosa, o fetogi a ia.