Kenesis 8 - Kenesĭs 1914 Ruth 1932 (Erromanga)

¹ Im Nōbū yĭmentĭme Nōa ĭm tiame sū mori umprokomūrep mov nūrah sū dal iyi ra mumpon ark; miyi Iehōva yĭmtamūli nĭmetagi worelĭmse ra nemap im nū sū yi?-?mīis.

² Mov nenum sū ra netekonlas, mov namtah sū ūnpōkop dūti sumpat, ĭm nebĭb yĭmnē ūnpōkop yeti norūleki.

³ Im nū sū dūmīis marugi nemap, ĭm ra nĭsah en dan sū wun hunder ĭm fĭfti nū sū dūtĭn tīsep.

⁴ Ran dan seventin, ra itīs seven, ark mori iyep ra numpūo sū Ararat.

⁵ Im nū sū yumīis mefeli ra itīs narōlĭm ugi, ĭm ran dan nōbūm ra itīs narolĭmugi numpūnda ōvun numpūo sū yeti nĭvsok.

⁶ Mō metepū sugkū ra nĭsah en dan forti Nōa itī pelah nilara ra ark mori iyi yĭpmumpi.

⁷ Miyi yĭmtamūli ilat sī ūmelekom mori yive mō ĭmpelum, mefeli nĭmpugon nū sū dūlx marugi nemap.

⁸ Miyi yĭmtamūli ilat sī umpon worokili nagkū nū sū dūtĭn tīsep marugi nemap.

⁹ Umpon mori yetōkesi nemĭndog gi mumpon nōwon eni; miyi yōĭmtorĭleki pugi ūnesog ark, popō wo nū sū dūmūtĭndōwi ra nemap omwi sū, miyi yēevan gi nokoben eni mō ĭmpī umpon mori ūnesog ark.

¹⁰ Miyi yōmetĭndōwi dan seven mōmū mō ĭmtamūli ilat umpon mori marugi ark,

¹¹ ĭm umpon mori yōĭmtorĭleki pugi pōarap, ĭm pah, iyi yelĭnterugi ugi numpūnugon eni nugkelĭn nē olĭv; ĭm Nōa yokili ma nū sū dūti nīis marugi nemap.

¹² Miyi yōmetĭndōwi dan sū seven mōmū, mō ĭntamūli ilat umpon mori yōmetūtorĭleki pugi.

¹³ Mō metepū sugkū ĭsūma nevi sū sĭks hunder ĭm wun, mitīs sīugi, ĭm dan itīs sīugi, nū sū dūtĭn lx marugi nemap; ĭm Nōa yivī pelah woreseni ark, miyi yĭmokesi, ĭm pah! nemap yetĭn lx,

¹⁴ ĭm ra itīs dūrūgi ran dan twenti‐seven ra itīs mori nemap yetĭn lx.

¹⁵ Miyi Nōbū yōmenūwi pugi Nōa me mokū,

¹⁶ Eve marugi ark, kĭk im retepmi mōv un nĭtumo, mōvun reteponeme en irora ōvun nĭtumo dal kĭk.

¹⁷ Tōr‐ōra omwisū dal kĭk mori umūrep marugi fanda omwisū, ra menōk, mov nūrah sū, ĭm tiame sū mori umĭntavekarara ra nemap ma irora wonelegetevtevi mō mūtandam sah ra nemap.

¹⁸ Im Nōa ive ilat mōvun nĭtnĭme eni ĭm retepon, mōvun reteponeme en irora ōvun nĭtnĭme eni dal iyi.

¹⁹ Mōv nūrah sū momwi sū mori umĭntavekarara mōvun menōk sū momwi sū mori umĭntavekarara ra nemap ugi potnĭmpe en irora dūmūve ilat marugi ark.

²⁰ Im Nōa yĭmumpi sī nefati iran Iehōva mō ĭmpī marokonda ov nūrah sū sĭntevi ves, mō ĭm sokowar ugi irora ra mumpon nom ran tan nefate mori, ĭm pah!

²¹ Iehōva yĭmorĭgi nĭmpen‐eves, ĭm Iehōva yĭmesepen enūwi ūnōwan eni memokū, Ya otū ōmen umpi navoret ra nemap popōwo ugi neteme; tarū sū ūnōwanda ōveteme sū oti sat marugi nĭmpugon irora ov alalx, ĭm ya otūōmĭntī en tiame sū mori umūrep sugkū yx mĭpmumpi.

²² Polekū nemap antĭndōwi sī nĭmpugon worōwi, ĭm nĭmpugon woralekon sĭmsĭ mugi nevag, im nenora, ĭm neteponta, im nenum, ĭm nakas, ĭm dan, ĭm pūmrok, wantĭndōwi.