Kenesis 7 - Kenesĭs 1914 Ruth 1932 (Erromanga)

¹ Im Iehōva yōmenūwi pugi Nōa memokū, Elum ūnesog, kĭk, mirora ōvun nĭtumo, ra ark, ĭt yx mokesok tanepō ūnĭmtug ra imō palsi.

² Vī dal kĭk marokonda ov nūrah sū sĭntevi‐ves sūkrĭm narūgo, ĭtnatem mĭtnasiven;

³ mō marokonda ov nurah sū nelilūo dūrūgo, ĭtnateman mĭtnasiven worefĭnte novsen nomūrep ra nemap omwisū.

⁴ Popōwo ĭsūma dan sū seven ya ontamūli nebĭb ra nemap dan sū forti ĭm pūmrok sū forti; ĭm tiame sū umprokomūrep mori yx mumpi ya īokcycki marugi nemap.

⁵ Im Nōa yĭmumpi sugkūn tiame sū Iehōva yĭmpasewugi iyi.

⁶ Dūti nevi sū iran Nōa sĭks hunder ra nimpugon nōisap nū sū yeti ra nemap.

⁷ Miyi Nōa yive ūnesog ark, mirora ōvun nitnĭme eni ĭm retepon eni, movun reteponeme en irora ōvun nĭtnĭme eni dal iyi, popōwo ugi pe nōisap.

⁸ Marokonda ov nūrah sū nelilūo mō marokonda ov nūrah sū mori umĭntavekarara ra nemap,

⁹ dūmūve ra mumpon lō pugi Nōa dūrūgo, ĭtnateman mitnasiven, sugkū Jehōva yĭmpasewugi Nōa ugi.

¹⁰ Mō metepū ĭsūma dan sūkrĭm narū, nōisap yeti ra nemap.

¹¹ Ra nĭmpugon dūti nevi sū iran Nōa sĭks hunder mitīs en dūrū, ran dan seventin ra itīs, ra iman dan mori ōvun nenumsū tamas omwisū ra netekonlas dūti neseri, mōvun namtah sū ūnpōkop dūtĭn sesekol.

¹² Im nebĭb yeti ra nemap dan sū forti ĭm pūmrok sū forti.

¹³ Ra ima pen dan Nōa, ĭm Set, ĭm Ham, ĭm Yafet, mori ōvun nĭtnĭme eni Nōa, ĭm retepon eni Nōa, mirora reteponeme ra ōvun nĭtnĭme eni dal, dūmūve ūnesog ark.

¹⁴ Irora sū mori, mov nūrah sū ugi potni pe en irora, ĭm tiame sū mori umĭntavekarara ra nemap ugi pe potnĭmpe, mōvun menōk ugi potni pe en irora sū.

¹⁵ Mirora dūmūve ūnosog ark pugi Nōa durūgo marugi fanda omwi su gĭmpe nesumsah nomūrep.

¹⁶ Mirora mori dūmūve ūnesog, dūmūve ūnesog ĭtnateman mĭtnasiven marugi fanda omwi sū, sugkū Nōbū yĭpĭmpasewug igi; miyi Iehōva yisumpat iyi ratūnesog.

¹⁷ Im nōisāp mori yeti ra nemap dan sū forti; ĭm nū sū dūsah mō muriuki sah ark,

¹⁸ yeti nuriuki sah pe ĭmĭlūo marugi nemap, ĭm lō mori yĭmpe ran tan nū sū.

¹⁹ Im nū sū dūtantevake sah tamas ra nemap mōvun terĭmsi sah omwi sū ra mumpon pōkop dūtĭn tenūtenū.

²⁰ Im nū sū dūtantevakesah ugi kūbĭt fĭftin; mōvun nūmpūo sū dūtĭn tenūtenū.

²¹ Im fanda omwisū mori dūmavan ra nemap dūmas, ōvun menōk, mov nūrah sū, ĭm tiame sū mori dūmūtavekarara ra nemap, ĭm lō sū omwi sū.

²² Irora omwi sū gi nesumsah nomūrep ra worokolag en irora dūmas, tiame sū ra nemap, ra nūrūn lx sū omwi sū dūmas.

²³ Im tiame sū mori dūmūrep ran tan nemap dūtĭn nēokceki irora sū ōveteme, mov nūrah sū, ĭm tiame sū mori dūmūtavekarara, mōvun menōk dūtĭn nēokceki marugi nemap, dūmūtĭndōwi wokon Nōa, mirora dal iyi ūnesog ark mori.

²⁴ Im nū sū dūmūtante?-?vake sah ra nemap dan sū wun hunder im fĭfti.