Kenesis 6 - Kenesĭs 1914 Ruth 1932 (Erromanga)

¹ Mō metepū ma irora ōveteme dūmulegetevtevi ra nemap, mōvun nĭtnĭme ĭtnasiven dumprokomol en irora.

² Mirora ōvun nĭtnĭme ĭtnateman eni Nōbū dūmokes‐ōra ōvun nĭtnĭme ĭtnasiven en irora ōveteme ma irora fanasiven, mirora dūvī ovasiven nĭsekonda sugkū irora dū?-?tampol‐ōra.

³ Im Iehōva yenūwi memokū, Naviat enyx otū onate?-?kĭsah ĭndōwi dal irora ōvēteme; irora umnelesamrug fan; kō dan sū en irora wanti nevi su wun hunder ĭm twenti.

⁴ Mōvun netūrapūm dūti ra nemap ran dan sū mori; penūri pol sugkū ōvun nĭtnĭme eni Nōbū dūmūve ūnesog pun ōra ōvun nĭtnĭme ĭtnasiven en irora ōveteme, mō mūti numprokomol ōvun nĭtnĭme en irora, mori ĭtnĭmpris dūti oveteme nari.

⁵ Im Nōbū yĭmokesi ma ōvun satĭndi en irora ōveteme dūtĭn tamas ra nemap, ĭm tarū sū omwisū ūnōwanda sū dūti netevū‐tarū sat wokon ĭndōwi.

⁶ Im Iehōva yĭmorĭgi sat popōwo iyi yĭpmumpi neteme ra nemap, miyi yĭmo?-?rĭgumpūnū ugi ūnōwan eni.

⁷ Im Iehōva yōmenūwi memokū, Ya īyokceki irora ōveteme, mōvun nūrah sū, mōvun tiame sū umproketavekarara, mōvun menok ūnēī; ĭt ya kum mandĭgumpūnū ma yx mumpi irora.

⁸ Kō Iehōva yĭmokesi ves Nōa.

⁹ Palsi sū eni Nōa dūti ĭmo sū; Nōa yeti tanepō ves mō mimnumpi aremī ra palsi sū eni; ĭm Nōa yĭmnavan ūndū Nōbū.

¹⁰ Mōvun nĭtnĭmen desel, Sem, ĭm Ham, ĭm Yafet, dūti numprokomol eni Nōa.

¹¹ Im nemap yĭmpū ūnĭpmi eni Nōbū; nemap yeti novūarugi ov nareki sat sū en irora ōveteme.

¹² Im Nōbū yĭmtelasep ra nemap, ĭm pah! pe nemap yovĭtara, ĭt irora fan omwi sū yemĭmpū ōvun selat sū en irora ra nemap.

¹³ Im Nōbū yĭmenūwi pugi Nōa memokū, pe nelehōvan ra fanda omwi sū oti ūnĭmtug; popōwo nemap oti novūarugi ov nareki sat sū en tamas en irora ōveteme, ĭm pah, ya īontĭvavtĭti irora ugi nemap.

¹⁴ Umpi nĭsekom sī lō tamas gi nē kofer; mōvun sĭlebōk ūnesog lō mori, kampūli pe gi nagī ratūnesog ĭm ratilat.

¹⁵ Kĭk anteri pe sugkū imō; pe tantop ark kūbĭt tri hunder, ĭm sē nelepon mori, kūbĭt fĭfti, mĭlūo ark, kūbĭt turti.

¹⁶ Kĭk onumpi nilara ra lō mori ĭm ran tan kontampoli pe ra sī kūbĭt; ĭm kĭk antipe sī pūketampet ra ark ra nokoren; ĭm kĭk onumpi tī en temne sīugi, ĭm dūrūgi, ĭm deselugi, ra mumpon lō mori.

¹⁷ Im yx, pah ya kampī ĭm pelum nōisap nū sū ra nemap woretĭvavtĭti fan omwi sū gi nesumsah nomūrep ūnesog, ra mumpon ūnēī, ĭm tiame sū mori ra nemap wamas.

¹⁸ Im nam unam enyx antĭndōwi ūndū kĭk, ĭm kik ampelum ra mumpon ark, kĭk mirora ōvun nĭtumo, miyi retepmi mōvun reteponeme en irora ōvun nĭtumo dal kĭk.

¹⁹ Im kĭk ontōr‐ōra ūnesog ark dal kĭk, marugi fan omwi sū mori umūrep, dūrūgo en tiame sū, worefĭnte momūrep en irora; mirora wanti ĭtnateman mĭtnasiven.

²⁰ Mō marokonda ōvun menok sū, ugi potni pe en irora, mō marokonda ov nūrah sū en tamas, ugi potni pe en irora; mō marugi en tiame sū ra nemap ugi potni pe enirora; dūrū en tiame sū wampelum pug kĭk, worefĭnte nomūrep en irora.

²¹ Im kĭk ampī nĭsekom marugi nevag omwisū mori otĭ?-?neni, mō mesĭmsĭmugi pe nevag nĭsekom woreti nevag nĭsekom, ĭm nĭsekonda.

²² Im Nōa yumpi sugkū; ugi nam omwi sū mori Nōbū yenūwi pugi, iyi yumpi sugkū.