Kenesis 49 - Kenesĭs 1914 Ruth 1932 (Erromanga)

¹ Im Iēkob yovrok‐onda ōvun nĭtnĭme eni memokū, Uvelum kĭmi sū ĭm ya anūwi pug kūm magkū ugi ima mori antepū tovune kūm nĭmpugon dan sū nĭsah.

² Uvelum mūrĭgi, kimi ōvun nĭtnĭme eni Iēkob, ūven?-?dagugi Isrēel ītemen‐e‐kūm.

³ Rūben kĭk ĭtnetemefi enyx, faneteme enyx, nate potni torugat enyx, navos numposeti,

⁴ ĭm horogesah tamas; avanavan sugkū nū kotū onarisah; kĭk mĭve sah ra nĭvlok enyx, ĭtemen‐e‐kik; kĭmumpi nĭmrug: iyi yive sah ra nĭvlok enyx.

⁵ Sĭmion ĭm Livĭ, ravinsīeme: mōvun nūrah woreteme?-?lĭmel irora umasigi. Ah, naviat enyx etūve ra marepon?-?akīugi en irora;

⁶ ah etūve ra nxora sat en irora; mugi natekĭsah satĭndi en irora dūtĭvavtĭti sī natemonōk.

⁷ Navoret narakī horog wokon. Ya antevafw‐ōra ra Iēkob mō menesaviokonda ra nūrū sū Isrēel.

⁸ Yūda! rapmisĭeme wonavos iram. Nokopmū anti ra nōwanda ov novsen nakan enugkĭk; mōvun nĭtnĭme eni ĭtemen‐e‐kĭk wuntelasep ūnĭmtum.

⁹ Yūda oti nĭtni līon; nĭtūg kĭk okesah worevī nelat; iyi yisempelēyukcyok, miyi yumni‐nugenug sugkū līon, ĭm sugkū sī līon ĭtnasiven; mē oyugi iyi?

¹⁰ Nirum atumonok otū amwi marugi Yūda, ĭm neteme nūrian marugi ĭlebōteven nōwon eni afeli nĭmpugon Mesīa ampelum; mōv netevokontū sū wosindiuki navian eni iyi.

¹¹ Iyi yeleki as eni ra vīn, ĭm nĭtnĭ as eni ra nōsen vīn aremī; miygi yorowugi ov nemas eni ra wīn, mōvun sĭmplxon ran de ra novūan vīn:

¹² nĭpmi eni oti navilara ugi wīn ĭm nugon nesebo ugi dumponi.

¹³ Sebūlon antĭndōwi ra nokoren tok sū, miyi anti tok ĭlebōk nĭmsen lō sū; noroken eni anti afeli ra Sīdon.

¹⁴ Isakar oti as horog umprokugkxn tan ra mumpon nesūriarūn dūrū numpokentum sū.

¹⁵ Miyi yokesi nemĭndog memokū aremī, ĭm nūrū mori nĭmelōkelō; miyi yĭmtīevan gi nĭvlokon woruriuki, mō metepū lĭvsx worotorugat.

¹⁶ Dan onūrian iranda ov netevokontū eni sugkū sī ra irora savūta sū ra Isrēel;

¹⁷ Dan oti neskil ūselat memo?-?kopūrum worelentevi nōwon hors, miyi mori mesuki tan iyi omol kitan.

¹⁸ Ah Iehōva yx mĭntevetūwi nēōwara enugkĭk.

¹⁹ Kad, ĭm nemas ūbramī umnavokat iran, miyi ontar ra nĭsah.

²⁰ Yōūp eni Asher anti aremī; miyi antipe eni‐nevag nalōeves.

²¹ Naftalī oti hīnd otenĭmpe iyi; miyi umanūwi magkū nam ves.

²² Yōsef oti nugkelĭn nē worovūo; nugkelĭn nē worovūo ra nokorĭn nū‐ĭtokeli, mōvun dugon umĭnteli ratĭlebō ran tan nĭmpi;

²³ mōveteme gi nefani umese iyi mō mūmnakan pugi;

²⁴ kō nefani eni yetĭndōwi ugi horog, ĭm nelepon nokoben yetĭn numpi ūnam ugi nokoben eni iyi Nōbū eni Iēkob ra nūsian, amnē yūi iyi navles ra sĭmsĭmak nĭtni Isrēel.

²⁵ Ugi Nōbū ĭtemene kĭk mori onesitū iram, Miyi ra nūsian mori ampīves kĭk gi ōvun nevīeve ūnumpōkob, mugi ōvun nevīeves ran tok sū, mugi ōvun nevīeves ni sū mov netnĭnda sū;

²⁶ ōvun nevīeves eni ĭtemene‐kĭk dūti sĭkat mōmū ra ōvun nevīeves en irora retemeneme yx, mafeli ov navlūtni ōvun numpūo sū ūnam ĭndōwi; irora mori nĭsekon Yōsef, numpūn eni, nĭ‐sekon iyi mori yetĭn satevugi marokonda ravĭnsīeme eni.

²⁷ Benyomĭn ontareferugi sugkū wūlf; ra prūbokom iyi oneni nelat, ĭm pōarap ontavūrakugi pe mori.

²⁸ Irora sū mori dūti savūta sū twelv ra Isrēel, mimō mori ĭtemen en irora yōmenūwi pun ōra, miyi yivīeves irora,

²⁹ yetevūrak wokonda ovun nevīeves eni; miyi yĭmpasewokonda memokū, ya kum mampe pun ōra netevokontū enyx, ūtĭnemi yx ra nokorĭnda retemeneme yx ra neveli mori ra mumpon nūrū eni Efron neteme Hītī.

³⁰ Uneveli mori ra nūrū Makpila ra nokoren Mamre ra nūrū Kēnan, mori Ebraham yīpimpasĭgi ĭm nūrū sūgkū ra Efron neteme Hĭtī nĭmsĭn woretĭnematemas.

³¹ Iyūi irora dūpmūtĭneme Ebraham ĭm Sēra retepon eni; iyūi dōmūtĭnemi Isak ĭm Rebeka retepon eni; ĭm yūi yx īmtĭnemi Lia;

³² ōvun nĭtnĭme eni Het dūmūvasĭgi nūrū mori ĭm neveli ra mumpon.

³³ Im Iēkob yĭmenūaveni ōvun nĭmpasewugi sū eni pun ōra ōvun nĭtnĭme eni, miyi yalnē nōwon eni ra mumpon nĭvlok, mō mesumsah aveni; mirora dumuriuki iyi mō mavorekū.