Kenesis 47 - Kenesĭs 1914 Ruth 1932 (Erromanga)

¹ Im Yōsef yive mōmenūwi pugi Fērō memokū, Itemen‐e‐yx, ĭm ravūgsīeme, ĭm sĭmsĭmak sū, ĭm nūrah sū, ĭm tiame sū en irora dūvelum dūmnē ra nūrū Kēnan; ĭm pah, irora umante ra nūrū Kōsen.

² Miyi yĭmtōr‐ōra ōveteme sūkrĭm marokonda ravĭnsīeme, mō metipe irora ūnĭpmi eni Fērō.

³ Im Fērō yenūwi pun ōra ravĭnsīeme memokū, Tiē ov numpūrah enugkĭmi? Mirora dūtamsi pugi Fērō mūmokū, ōvun līvsx enugkĭk umnovuguni sĭmsĭmak, kam ĭm retemami.

⁴ Mirora dōmūnūwi pugi Fērō mūmokū, Ka ke livelum woretĭndōwi ra nūrū ĭgko, popōwo tawi nūrū worovuguni sĭmsĭmak enugkam, ōvun lĭvsx enugkĭk, ĭt e pe temas oti tamas ra nūrū Kēnan: marama tenĭmpe kam ka kĭm lenesĭnug kĭk woretĭndōwi ra nūrū Kōsen.

⁵ Im Fērō yenūwi pugi Yōsef memokū, Itemen‐e‐kĭk, ĭm rapmi sīeme ūvelvm pug kĭk;

⁶ nūrū sū Ityĭpt ūnĭmtum; tenĭmpe ĭtemen‐e‐kĭk, ĭm rapmisĭeme woretĭndōwi ra nūrū nūsian aremī; aremī irora wantĭndōwi ra nūrū Kōsen; ĭm nagkū kĭk emagkil‐ōra ōveteme ra irora sū aremī ĭm horog, etipe irora mori ov nivūo ra ov nūrah sū enyx.

⁷ Im Yōsef yĭmtōri Iēkob ĭtemen eni ūnĭpmi eni Fērō; im Iēkob yivīeves Fērō.

⁸ Im Fērō yĭmtagkeli Iēkob memokū, Dan sū ra nomūrep eengkĭk dūti nevi sū deve?

⁹ Im Iēkob yĭmtamsi pugi Fērō memokū, Dan sū ra nevi sū mori morokote lap wi ra nūrū sū dūti nevi sū wun hunder ĭm turti; virok ĭm nesorū dūti dan sū mori ra nevi sū nomūrep enyx, mirora tawi sikat sugkū dan sū ra nevi sū nomūrep en irora retemeneme enyx, mori irora dūmūrūn‐okotelap wi ra nemap.

¹⁰ Im Iēkob yōmenūwi pugi Fērō memokū iyi nevīeves; mō ĭmpe marugi nĭpmi eni Fērō.

¹¹ Im Yōsef yovugi ĭtemen eni, mirora ravĭnsīeme eni nūrū ra Ityĭpt, nūrū ra nūsian aremī, ra Rameses, sugkū nam Fērō yĭpmenūwi memokū ugi.

¹² Im Yōsef yefĭnte ĭtemen eni ĭm ravĭnsīeme, momwi sū ra nimō eni ĭtemen eni ugi nevag.

¹³ Tawi nevag ra nūrū sū, temas yumpi sū nesorū, mirora sū ra mumpon nūrū sū Ityĭpt, ĭm Kēnan, dūtavūlūl popōwo ugi temas.

¹⁴ Im Yōsef yivī muni omwisū ra nūrū Ityĭpt, ĭm ra nūrū Kēnan ra novūan mori irora dūvasĭgi; ĭm Yōsef yetipe muni mori ra mumpon nimō eni Fērō.

¹⁵ Yumwi muni ra nūrū Ityĭpt dūve pugi Yōsef mūmūnūwi mūmokū, Ovug kam nevag, yumwi muni, irantiē ka ke lamas?

¹⁶ Im Yōsef yōmenūwi memokū, Uvo yx ōvun kūrimatx enugkĭmi, ĭm ya ampug kūm nevag ra irora, nagkū yumwi muni.

¹⁷ Mirora dūvugi Yōsef ov nūrah en irora; ĭm Yōsef yōmovun‐ōra nevag ra ōvun hors, mōvun nūrah, mōvun as en irora; miyi yovugugni irora gi nevag ima nevi sugkū ra ov nūrah sū en irora.

¹⁸ Isūma ima nevi; mirora dōmūvelum pugi, mō mūnūwi pugi mūmokū, Ka ke letūnūatumpeni imō marugi narisah enyx, yumwi muni, ĭm kĭk emantipe ov nūrah sū enugkam, ĭm tawi sī en tie sĭ mōmū enugkam, kū en tawi nokolĭseramam mōvun denūok enugkam.

¹⁹ Irantiē ka ke lamas ūnĭmtum, kam ĭm nūrū sū enugkam? Uvī kam ĭm nūrū sū enugkam, mō mampug kam nevag, ĭm kam ĭm nemap enugkam wanti ōvun lĭvsx eni Fērō; ovug kam novsen; ĭm ka ke lamūrep, ĭm tawi lamas, ĭm nemap mori otū anti nūrū wokon.

²⁰ Im Yōsef yivasĭgi nemap omwi sū Ityĭpt nĭsekon Fērō; ĭt irora ōveteme sū Ityĭpt dūvasigi nūrū sū en irora, temas mori yetipe nelĭleki iranda, ĭm nemap yeti eni Fērō.

²¹ Mov netevokontū sū mori iyi yĭmtōr‐ōra sū ra mumpon ōvun tĭmne sū marugi or navlūtni sū ra nūrū sū Ityĭpt.

²² Nūrū sū en irora ōveteme sokowar dūvī netevūrak wokonda marugi Fērō, mirora dūmoni netevūrak wokonda mori Fērō yĭpmovun‐ōra; popōwo pe sugkū irora dūtūvasigi nemap en irora.

²³ Im Yōsef yenūwi pun ōra ov netevokontū memokū, Pah, ya okevasigi kĭmi, ĭm nemap enugkĭmi nĭsekon Fērō; pah, novsen nĭsekomi; pol sugkū kĭmi wonōwi nemap,

²⁴ penūri kimi kwampugi sūkrĭmugo, pugi Fērō, sī nisekon ĭm devat nisekomi, ra novsen ra nemap, ĭm nĭmsen nevag enugkĭmi, mirora mori ra mumpon ov nimō sū enugkĭmi, ĭm nevag nĭsekonda ov nalalx enugkĭmi.

²⁵ Mirora dūtamsi mūmokū, Kĭk otipe navos ra nowa?-?mam, vī ka ves, ĭm ka ke lanti ōvun lĭvsx eni Fērō.

²⁶ Im Yōsef yĭmumpi nam mori nam alam mafeli imō dan, ugi nemap Ityĭpt, memokū anti eni Fērō sūkrĭmugo sū; kō nūrū sū en irora ōveteme sokowar Fērō yetū vī.

²⁷ Im Isrēel yetĭndōwi ra nūrū Ityĭpt ra nūrū Kōsen, en irora wi yūi, mūteli, mō mūtandamsah tamas.

²⁸ Im Iēkob yetĭndōwi ra nūrū Ityĭpt nevi sū seventin; ĭm dan sū eni Iēkob, nevi sū eni mori iyi yumnomūrep dūti nevi sū wun hunder im forti seven.

²⁹ Im nĭmpugon woremas yumpotipot Isrēel; miyi yovrugi Yōsef nĭtni eni, mō menūui nam pugi memokū, Nagkū kĭk emagesi yx ves, etipe nokopmū ra mumpon nevan enyx, ya kum nakīug kĭk, popōwo kokevīeves yx, mō mumpi aremī mugi itnesog po yx; ya kum nesenug kĭk, etū tĭnemi yx ra nūrū Ityĭpt.

³⁰ Penūri ya onalē dal irora retemeneme yx, kĭk andiuki yx marugi Ityĭpt, mō mĭntĭnemi yx ra nūrūn tĭnematemas en irora. Miyi yōmenūwi memokū, Ya onumpi sugkū nam enugkĭk.

³¹ Miyi yōmenūwi memokū, Enūwi nam ūnam po yx; miyi yōmenūwi nam ūnam pugi; ĭm Isrēel yimtelasep ran tan woretesūwo nĭvlok.