Kenesis 41 - Kenesĭs 1914 Ruth 1932 (Erromanga)

¹ Mō metepū penūri nevi en dūrū Fēro yemeviak; ĭm pah,

² yetūrū ra nĭntelep, ĭm pah, dūvelum dūmnē nĭntelep ōvun kūrimatx seven navsorok ĭm nūval; mirora dūmo?-?nĭn topavū.

³ Im pah, dūmūr‐ōra ōvun kūrimatx seven mōmū marugi nĭntelep, mori nokesi sat ĭm nelug, mirora dūtūrū ra nokorĭnda mori ūntelĭgun nū ra nĭntelep.

⁴ Mōvun kūrimatx nokesi sat ĭm nelug dūolaviakugi ōvun kūrimatx navsorok ĭm nūval; ĭm Fērō yilampe.

⁵ Miyi yōmalēpō mō meviak, ĭm pah, novūan whit seven dūĭmsug marugi nelepon sīteven, fan ĭm aremi wokon.

⁶ Im pah nōvuan seven mōmū nīip, ĭm nĭmetagi mori yĭmnē ūnūrū, yĭtnatati irora dūteli sah penūri irora.

⁷ Mōv novūan seven nīip dūolaviagkugi nōvūan seven mori fan ves ĭm aremī; im Fērō yilampe, ĭm pah, nemeviak.

⁸ Mō metepū prūbokom naviat eni yēōmpeli; miyi yĭmtamūli mō movrok‐onda nōīntanwi mōvun nūmpūn nelekon ra Ityĭpt; ĭm Fērō yenūwi pun ōra nemeviak eni: kō yetū sī faneteme worenūatokel‐ōra pugi Fērō.

⁹ Miyi nivūo ōveteme torugat yenūwi pugi Fērō memokū, Ya kum manūwi magkū ugi sat enyx irē pen dan; Fērō yīmarakĭ pun ōra ōvun lĭvx eni mō metipe yx ūnesog nimō nugkugko,

¹⁰ yx ĭm neteme woroworūm nobūm.

¹¹ Im ka kū meviak nemeviak pūmrok sīteven, yx miyi, ugi pe worenūatokeli ra ōvun nemeviak kam en dūrū.

¹² Yūi dal‐e‐kam sī neviarep Hibrū, mori lĭvsx eni nivūo en irora ōvun navles [eni Fērō], ĭm ka kūnūwi pugi miyi yenūatokeli pug kam ov nemeviak enugkam, ugi ov nemeviak enugkam.

¹³ Mō metepū sūgku nam mori iyi yenūatokeli pug kam; yetipe yx ra nūrū enyx, mō malekiwan sī mōmū.

¹⁴ Im Fērō yĭmtamūli worovrugi Yōsef; dutōri iyi ĭtnum marugi nokol nĭlebokevat; yĭmtandĭn mō mevīugi nemas sĭntevives, mō ĭmpe ūnesog pugi Fērō.

¹⁵ Im Fērō yenūwi pugi Yōsef memokū, Ya okemeviak sī nemeviak ĭm tawi sī faneteme worenūatokeli pe; ĭm ya orĭgi nam ugi kĭk mokū, Kĭk emagkili ov nemeviak worenūatokeli.

¹⁶ Im Yōsef yĭmtamsi pugi Fērō memokū, Tawi enyx, aremī Iehōva ontamsi pugi Fērō magkū tasiasyē.

¹⁷ Im Fērō yōmenūwi pugi Yōsef memokū, Ya okomeviak, ĭm pah, ya otūrū telugon nū nĭntelep.

¹⁸ Im pah, dūvelum marugi nĭntelep ōvun kūrimatx seven navsorok ĭm nūval, mirora dūonĭn topavū.

¹⁹ Im pah, dumūr‐ōra ōvun kūrimatx seven mōmū nokesi sat ĭm nelug tamas, sugkū yx metōkesi ra nūrū sū Ityĭpt, nokesi sat tamas wokon.

²⁰ Mōvun kūrimatx nokesi sat ĭm nelug dūolaviakugi wokonda ōvun kūrimatx navsorok ĭm nūval.

²¹ Dūolaviakugi wokonda, ĭm penūri tawi nokesi ves mōmū, kō nokesi sat tamas sugkū ra nōbūm; ĭm ya kum nelampe.

²² Im ya okesi ugi nemeviak enyx, ĭm pah, ov novūan seven whit dūĭmsug marugi nelepon sīteven, fan ves ĭm aremī.

²³ Im pah, ov novūan seven, nĭip ĭm nakor, ĭm nĭmetagi ist yitnatati irora, dūteli sah penūri irora.

²⁴ Mov novūan seven nīip, dūolaviakūgi wokonda ov novūan seven aremī; ĭm ya okotampĭgi pun ōra ōvun nōĭntanwi, kō tawi sī onūatokeli po yx.

²⁵ Im Yōsef yenūwi pugi Fērō memokū, Oti sīteven nemeviak eni Fērō; Nōbū okosesi pugi Fērō imō mori iyi umagkū worumpi.

²⁶ Ovun kūrimatx seven nūval oti nevi sū seven; nemeviak sīteven.

²⁷ Mōvun kūrimatx seven nokesi sat ĭm nelug mori dūmūr‐ōra, oti nevi sū seven; mov novūan seven nīip mori nĭmetagi ist yitnatati irora oti nevi sū seven temas.

²⁸ Imō mori ya onūwi pugi Fērō magkū, Imō mori Nōbū umagkū worumpi iyi okesesi pugi Fērō.

²⁹ Pah, wampelum nevi sū seven, wanti nevag tamas wokon ra nūrū sū Ityĭpt.

³⁰ Wonūrōra nevi sū seven temas, wontavrĭvri ugi nevag tamas ra nūrū sū Ityĭpt, pe temas mori wontĭvavtĭti nemap.

³¹ Im nevag tamas mori ūtūm nĭnteme ugi ra nemap, popowo ugi temas mori wonūr‐ōra, it pe mori onumpi nelĭleki iranda.

³² Mĭt e pōwo ōrun‐nemeviak memokosi pe Fērō nĭmpugon dūrū, Nōbū umpi ūnam, miyi umagkū worumpi ĭtnum.

³³ Marima, aremĭ Fērō woresorugi sī neteme nōĭntanwi ĭm nelekon eni, mō mantipe iyi nivūo ra nūrū sū Ityĭpt.

³⁴ Aremĭ Fērō woretipe ōvun nivūo ra nemap woralekon sūkrĭm‐go sū ra nūrū sū Ityĭpt ra nevi sū seven wantepū nevag sikat.

³⁵ Aremi irora woralekon nevag omwi sū ra nevi sū aremī mori wampelum, mō mĭntavĭnepon nevag ra mumpon nokoben eni Fērō; maremī iroro wampī nevag ra mumpon ōvun tĭmne sū,

³⁶ iroro wontavĭnepom nĭsekon nemap, popōwo ugi nevi sū seven temas mori wanti ra nemap Ityĭpt; aremī woretūtĭvavtiti nemap ugi temas mori.

³⁷ Nam mori yeti aremī Fērō yĭmokū, mōvun lĭvsx sū eni dūmokū sugkū.

³⁸ Im Fērō yenūwi pun ōra ōvun lĭvsx eni memokū, Ka ke lagesi sī sugkū iyī kū? neteme mori ĭm naviat eni Nōbū ūnesog iyi.

³⁹ Im Fērō yōmenūwi pugi Yōsef memokū, Nōbū okosesi pug kĭk imō omwi sū, tawi sī mōmū nōĭntanwi ĭm numpūn nelekon sugkū kĭk.

⁴⁰ Kĭk nivūo ra nūsian ra mumpon nimō enyx; mōvun torugat enyx omui sū wosendĭuki ōvun nĭmpasewuigi sū enugkĭk; ran tan potnumpūtūo wokon ya ontantevakepe iram.

⁴¹ Im Fērō yōmenūwi pugi Yōsef memokū, Okesi, ya otipe kĭk ra nūsian ra nūrū sū omwi sū Ityĭpt.

⁴² Im Fērō yivī natorevam marugi nokoben eni mō mevī sep ra nokoben eni Yōsef, mō mevīugi iyi ugi ov nemas numposeti, mō metipe neveloon kōld ra nōwan eni.

⁴³ Miyi yumpi iyi mesuki tan nūrah woralō dūrūgī eni; mōveteme dūtorenūwi sah ra nĭpmi eni mūmokū, Usum?-?pūneterĭn; memokū woretipe iyi nūsian ra nūrū sū omwi sū Ityĭpt.

⁴⁴ Im Fērō yōmenūwi pugi Yōsef memokū, Yx Fērō, ĭm nagkū kĭk otūm numpasewugi tawi sī neteme onovkisah nokoben kū nōwon eni ra nūrū sū Ityĭpt.

⁴⁵ Im Fērō yotov nin eni Yōsef memokū, Safnat‐Paanēa; miyi yovugi iyi Asina woreti retepon eni, nĭtni eni Potefera, neteme sokowar ra On; ĭm Yōsef yĭmnavan ra nūrū sū Ityĭpt.

⁴⁶ Nevi sū turti iran Yōsef nĭmpugon iyi yĭmtūrū ūnĭpmi eni Fērō fan lō Ityĭpt; ĭm Yōsef yetūratumpeni ilat marugi nĭpmi eni Fērō, mō ĭmpe ra rūrū sū Ityĭpt.

⁴⁷ Im ra nevi sū seven aremī nemap yĭmīetumpūn tamas wokon.

⁴⁸ Miyi yĭmalekon sīmsĭmug inevag omwisū ra nevi sū seven mori ra nemap Ityĭpt, mōmĭntavĭnepon nevag mori ra mumpon ūntimne sū; nevag omwi sū ra netē nūrū sū nagkx‐wo konda sū iyi yĭmtavĭnepon ra mumpon irora sū mori.

⁴⁹ Im Yōsef yĭmalekon whit sugkū nariven ran tok tamas wokon, miyi yōwi woresepi popōwo pe sikat wokon.

⁵⁰ Yumprokomol eni Yōsef nĭtni en dūrū, nĭmpugon temas yetūvelum, mori Asina nĭtni eni Potifera, neteme sokowar ra On, yivī iran.

⁵¹ Im Yōsef yatov nin eni ĭtnetemifi memokū, Manase: memokū, it iyi Nōbū yumpi yx woretavrĭvri ugi nagelx sū enyx, ĭm nimō eni ĭtemen‐e‐yx.

⁵² Yatov nin eni dūrūgi memokū Ifrēĭm, memokū, Nōbū yumpi yx naloves ra nūrū ugi nasx enyx.

⁵³ Isūma nevi sū seven aremī ra nūrū Ityĭpt.

⁵⁴ Im nevi sū temas yivelum sugkū nam mori Yōsef yĭpmenūwi; temas yeti ra nūrū sū yūi; kō ra nūrū Ityĭpt yeti nevag.

⁵⁵ Dūtemas nūrū sū Ityĭpt, mov netevokontū sū dūovrugi Fērō ra nevag: ĭm Fērō yenūwi pun ōra ōveteme sū Ityĭpt memokū, Uve pugi Yōsef; wumpi sugkū iyi onĭmpasewug‐kūm.

⁵⁶ Yeti temas ran tan nemap sū; ĭm Yōsef yĭmtīpelah ōvun siman nevag omwi sū, mō mevasĭgi pun ōra ōveteme Ityĭpt: yeti temas tamas ra nūrū Ityĭpt.

⁵⁷ Im nūrū sū nūrū sū dūmūve Ityĭpt worevasĭgi pugi Yōsef, popōwo yeti temas tamas ra nūrū sū nūrū sū.