Kenesis 4 - Kenesĭs 1914 Ruth 1932 (Erromanga)

¹ Miyi Adam yĭmokili Iv retepon eni, miyi yisar yumol Kēn; miyi yenūwi memokū, Ya kosī‐ĭmpī neteme marugi Iehōva.

² Penūri iyi yĭmpī Ebel avĭnsī eni: ĭm Ebel yeti nefĭnte ōvun sĭmsĭmak, ĭm Kēn yeti nasĭmnūok.

³ Mō metepū ra nĭsah nugkon dan sū Kēn yĭmuriuki pelum tiame nevag ra nemap woresokowar mō metipe nĭsekon Iehōva.

⁴ Im Ebel sugkū yĭmuriuki pelum ōvun nĭtni mampūm ran sĭmsĭmak eni ōvun nūval. Im Iehōva yĭmokū aremī ugi Ebel ĭm sokowar eni;

⁵ miyi yokesĭndi Kēn ĭm sokowar eni. Im Kēn yemelokc ĭm nipmi eni yĭmtevivat.

⁶ Im Iehōva yenūwi pugi Kēn memokū, Irantiē kĭ?-?melokc?

⁷ Irantiē nĭmtum oti nimtevivat. Nagkū kĭm?-?numpi aremī kĭk anti nevīeves kĭk kū? ĭm nagkū otūm numpi aremī nūrah nĭmsĭn sokowar umnalē ra nugon selat; ĭm nĭlasĭvian eni oti tovunok, ĭm kĭk ontantevakepe iran.

⁸ Im Kēn yenūwi pugi Ebel avĭnsī eni memokū, [Kos kūampe ra nūrū wokon;] mō metepū pol sugkū iroran dūrū dūte ra nūrūwokon Kēn itūok mĭmtalugi Ebel avĭnsī eni.

⁹ Im Iehōva yenūwi pugi Kēn memokū, Yēi Ebel avĭnsī kĭk? Miyi yĭmtamsi pugi memokū, Ya kotū kili; ya koti nefĭnte eni avĭnsī yx kū?

¹⁰ Miyi yōmenūwi pugi memokū. Tiē kĭk umpi? navian ran de eni apmisī umamperugi sah irag marugi nemap.

¹¹ Im marima kĭk oti navoret tamas ra nemap mori yasī mamwap woremoneki de eni apmi‐sī marugi nokopmū.

¹² Kimandūnnokeli nemap, kō otū onteli aremī tovunok; marugi imō nĭmpugon kĭk anti navanavan mō mampe?-?kōrekōrō ra nemap.

¹³ Im Kēn yōmenūwi pugi Jehōva memokū, Tīūwi irag oti tamas sugku ma yx tawi faneteme worelevi.

¹⁴ Pah, irē pen dan kĭk okosavet yx marugi nemap ĭm ya anti nelasakepon nĭmtum; ĭm ya anti navanavan mō mampekōrekōra ra nemap, mō mantepū ma irōra sū mori wonesoroko‐yx ĭm wontaloko‐yx.

¹⁵ Im Iehōva yenūwi pugi memokū, Iyi sī mori ontalugi Kēn ontampenĭgi iran seven. Im Iehōva yetipe safi iran Kēn ma sugkū sī umprokokesi iyi, otū ontalugi iyi.

¹⁶ Im Kēn yetūratumpeni ilat marugi nĭpmi eni Iehōva mō metĭndōwi ra nūrū Nod ūnūru ra Iden,

¹⁷ Im Kēn yĭmokili retepon eni miyi yisar yumol Inok; miyi yĭmumpi nemote memokū nĭn netni eni, Inok.

¹⁸ Im Inok yivī Irad; ĭm Irad yivī Mehūyael, ĭm Mehūyael yivī Metūsael, ĭm Metūsael yivī Lemek.

¹⁹ Im Lemek yĭmetovrugi nasiven en dūrū, nĭn sī Ada, ĭm nĭn eni sī mōmū, Sĭla.

²⁰ Im Ada yivī Yēbel; miyi mori yeti ĭtemen en irora sū mori dūmetĭndōwi ra mumpon ōvun tent, mō mūtipe ov nūrah sū en irora.

²¹ Im nĭn avĭnsī eni, Yūbal, miyi yeti ĭtemen en irora sū mori dūumpi narūfo gi harp ĭm nxerugis.

²² Im Sĭla yivī Tūbal‐Kēn, miyi mori yĭmtavsok‐onda ōveteme worumpūrah ugi bras ĭm iron; vĭven eni Tūbal‐Kēn yeti Nēama.

²³ Im Lemek onūwi nam pun ōra ov asiven eni memokū, Ada ĭm Sĭla, ūrĭgi navian enyx; kĭmi ov retepon eni Lemek, ūrĭgi nam enyx, ĭt ya kosī ĭm talugi neteme, miyi ōmtatoto‐yx, sī neviarep miyi yetipe nesorū irag.

²⁴ Nagkū ontampenĭgi iran Kēn seven, pah, ontampenĭgi iran Lemek seventi‐seven.

²⁵ Im Adam yōmokili retepon miyi yōĭmpī eni nĭtni, miyi yatov nĭn eni memokū. Set, yōmenūwi memokū, Popōwo Iehōva osī movo‐yx nalx tampenum eni Ebel mori Kēn yitalugi.

²⁶ Im sī nĭtni yeti numprokomol eni Set, miyi yatov nĭn eni memokū, Enos. Pol ov netevokontū dūbūm worovrugi ran nin eni Iehōva.