Kenesis 37 - Kenesĭs 1914 Ruth 1932 (Erromanga)

¹ Im Iēkob yetĭndōwi ra nūrū mori ĭtemen eni yĭpme?-?tĭndōwi, nūrū Kēnan.

² Ovun palsi sū eni Iēkob dūti imo sū: Yōsef nĭmpugon nevi sū seventin iran, yumpro?-?kavos‐wi dal irora ravĭnsī‐eme, dal sĭmsĭmak; miyi yeti neviarep dal ov nĭtni eni Bĭlha, movun nĭtni eni Sĭlpa, ōvun retepon eni ĭtemen eni: ĭm Yōsef yĭmtampĭgi pugi ĭtemen nam ugi nari sat en irora.

³ Im Isrēel yelĭntugi Yōsef mōmū ra irora ov nĭtnĭnme sū eni, popōwo nĭtni ra numpūmetūo eni, miyi yumpi sĭmplxon niura nĭsekon.

⁴ Im ravĭnsīeme eni dūkili ma ĭtemenda yelĭntugi iyi mōmū ra irora sū ravĭnsīeme, mirora dūmnakan pugi, dūtū faneteme worenūwi pugi magkū tasiasyē iran.

⁵ Im Yōsef yĭmeviak sī memeviak, miyi yĭmtampĭgi pe pun ōra ravĭneme eni, mirora dūmnakan pūgi mōmū.

⁶ Miyi yōmenūwi pun ōra memokū, Urigi imō nemeviak enyx mori yx meviak.

⁷ Pah, kos kĭm lēeti ōvun nēat ra nete nūrū, ĭm pah, nēat enyx itūok mō metūrū, mōvūn nēat enmgkĭmi dūtūok mō magkxugi, mō mūsesiē ves ugi nēat enyx.

⁸ Im ravĭnsīeme eni dūnūwi pugi mūmokū, kĭk onari iramam kū? Kĭk ontantevake sah ĭramam kū? Mirora dūmnakan pugi mōmū tamas ra ōvun nemeviak ēni, ĭm nam eni.

⁹ Miyi yōmeviak nemeviak mo ĭmtampĭgi pun ōra ravĭnsīeme eni, mō menūwi memokū, Pah, ya okomeviak nemeviak sī mōmū, ĭm pah, nĭpmīnen, mitīs, ĭm mosi sū eleven, dūmūsesiē ves ūnĭmtug.

¹⁰ Miyi itampĭgi pe pugi ĭtemen eni, ĭm pun ōra ravĭnsĭeme eni: mĭtemen eni yĭmevriuri iyi, mō menūwi pugi memokū, Tiē imō nemeviak kokomeviak ugi? Kĭmagkū, yx ĭm dĭnum, ĭm rapmisīeme, wampelum woromolsep tovunok mō mūtampūp kū?

¹¹ Im ravĭnsīeme eni dūatūĭtūi iyi; kō ĭtemen eni yevelĭveli ugi nam eni.

¹² Mirora ravĭnsīeme eni dūve worovuguni sĭmsĭmak eni ĭtemenda ra nūrū Sikem.

¹³ Im Isrēel yenūwi pugi Yōsef memokū, Rapmisī eme umnavuguni sĭmsĭmak ra Sikem kū? Elum, ya kum magkū kĭk ampe pun ōra. Miyi itamsi pugi memokū, yx igko.

¹⁴ Miyi yōmenūwi pugi memokū, Eve, ya kum nakīug‐kĭk, mokes‐ōra rapmisīeme, nagkū nĭnparata en irora ĭm sĭmsĭmak, muriuki pelum nam po yx. Miyi yĭmtamūli iyi ratilat nomōrūn Hebron; miyi yivē ra Sikem.

¹⁵ Im sĭ neteme yokesi iyi, ĭm pah, yĭmsē ewani ūnavonavo; ĭm neteme mori yĭmtagkeli iyi memokū, Kīm?-?nesorug en tiē?

¹⁶ Miyi yĭmtamsi memokū, Ya kum nesorugi ravūgsīeme, enūwi po yx, irora umnavugūn ia?

¹⁷ Miyi neteme yĭmtamsi pugi memokū, Irora ūwi nūrū ĭgko, Ya origi nam irora ūnūwi mūmokū, Kos mampe ra nūrū Dotan. Im Yōsef yĭmūr‐ōra ravĭn sīeme mō mokes‐ōra ra Dotan.

¹⁸ Impol sugkū iroran dōkesi iyi ĭsūt, nĭmpugon iyi yetūvelum potipot irora, irora dūmūnūwi mūmokū woretalugi iyi.

¹⁹ Mirora dūnūwi, pun ōra mūmokū, Pah neteme nemeviak umprokevelum.

²⁰ Uvelum, kos lĭntalugi, mo me?-?novki sep ūnesog nokol, penūri kos ke lanūwi magkū, sī nūrah sat okolaviakugi; ĭm kos ke lagesi tiē wantepū ugi ōvun nemeviak eni.

²¹ Im Rūben yorĭgi miyi yĭmsu?-?kĭle‐kĭlwi iyi marugi nokobĭnda, mō menūwi memokū, Kos letūtalugi iyi.

²² Im Rūben yōmenūwi memokū, Utū wosĭlĭgi de; ūvkisep iyi ūnesog nokol nūrū wokon; ūtūtipe nokopmi iran, ĭt iyi yĭmokū woresūkĭlekĭlwi iyi marokonda mō mĭntōri pugi ĭtemen.

²³ Im pol sugkū Yōsef yivelum pun ōra ravĭnsĭeme eni, dūtūvwi sĭmplxon eni parugi, mori iyi yevĭugi, sĭmplxon niura mori.

²⁴ Mirora dūvī mō mūvkisep iyi ra mumpon nokol ĭm poko, tawi nū ūnesog.

²⁵ Mirora dūmūtesep woreni yōūp, mirora dūmūlagkx mō mokesi, ĭm pah, ōveteme Ismēel dumprok ovelum dūmnē Kĭliad, mōvun kamel ēn irora dūmunduri dumpon nē, mōvun nūrah sū nĭmpen‐e‐ves ĭm natok vĭo worēĭp Ityĭpt.

²⁶ Im Yūda yenūwi pun ōra ravĭnsīeme memokū, Tiē aremī nagkū kos ke lĭntalugĭ avĭnsī kos mō mantiumpeni de eni.

²⁷ Aremī kos levasĭgi iyi pun ōra ōveteme Ismēel, ĭm kos letū lĭntī iyi, ĭt iyi avĭnsī kos, ĭm fan enugkos. Mirora ravĭnsīeme dūrĭgi nam eni.

²⁸ Mōveteme nevasi Mĭdian dūvelum; mirora dūreveni sah Yōsef, mō murinki sah marugi nokol, mō mūvasĭgi Yōsef pun ōra ōveteme Ismēel ra muni sĭlver twenti. Mirora dūtōri Yōsef ra Ityĭpt.

²⁹ Im Rūben yoĭmpe ra nokol mori, ĭm pah, tawi Yōsef ra mumpon; miyi yitevaseri netxsep eni.

³⁰ Mō īmtorĭleki pun ōra ravĭnsīeme eni, mō menūwi memokū, Tawi iyi avūnyan; ĭm yx ya ampēa?

³¹ Mĭrora dūvī sĭmplxon eni Yōsef, mirora dūtalugi nĭtni nani, mō mūrū tĭnemugi sĭmplxon mori ra de.

³² Mirora dūtamūli sĭmplxon niura, mō mūvugi itemenda mūmokū, Kam lokesi imō: okesi nagkū sĭmplxon eni nĭtum, kū tawi.

³³ Miyi yokili pe mō menūwi, simplxon eni nītūg, sī nūrah nagon okolaviakugi iyi; nelaviokugi, oti nelaviokugi Yōsef!

³⁴ Im Iēkob yĭmtevaseri ōvun nemas eni, mō metōetĭgi lugkot‐lugkot, mō morĭgumpūnū nĭsekon nĭtni eni sikat en dan.

³⁵ Mōvun nĭtnĭme eni omwisū ĭtnateman mĭtnasiven dūtūok mam nĭmelōkelō pugi kō iyi yetūakīugi irora; miyi yōmenūwi memokū, Ya īyep ra nokol‐tĭnemi pugi nītūg ugi norĭgumpūnū. Mĭtemen eni yĭmnageri ugi.

³⁶ Mirora ōveteme Ityīpt dūvasigi iyi ra Ityīpt, pugi Potifar, sĭ yūnok eni Fērō, nivūo ra irora ōvun numpako mori dūfīnte iyi.