Kenesis 33 - Kenesĭs 1914 Ruth 1932 (Erromanga)

¹ Im Iēkob yīmelagkx mō mokesi, im pah, Iso yumprokovelum, mōveteme fōr hunder dal iyi; miyi yetevafegi gi ōvun nĭtnĭme, mō movugi Lia nugkon, ĭm Rētyel, mōvasiven torugat en dūrū sugkū.

² Miyi yetipe ovasiven torugat worōbūm mōvun nĭtnĭme en irora, ĭm Lia mōvun nĭtnĭme eni ĭlebōteven, ĭm Rētyel ĭm Yōsef kitanda sū.

³ Miyi mori yōbūm iranda mō ĭmtampūp nĭmpugon seven mafeli nĭmpugon iyi yumpotipot avĭnsī eni.

⁴ Im Iso yalō worevetĭt iran mō malekep iran, mō momol ra nōwan eni,

⁵ mō ĭm sūgū iran, mō mageri; miyi yĭmelagkx mō mokes‐ōra ōvasiven mōvun nalalx; miyi yenūwi memokū, Irora‐mō enugkĭk kū? Im Iēkob yŭn?-?tamsĭ memokū, Ovun nĭtnĭme mori Nōbū yovoyx lĭvsx enugkĭk ugi numpeleves eni.

⁶ Mōvasiven torugat dumpotipot, irora movun nĭtnĭme en irora, mō mūtelasep.

⁷ Im Lia yumpotipot mōvun nĭtnĭme eni, mirora dūtelasep; penūri Yōsēf ĭm Rētyel dumpotĭpot mō mūtelasep.

⁸ Miyi yōmenūwi memokū, Imō sĭmsĭmak mori yx mevetĭt en tiē? Miyi yĭmtamsi memokū, Worevī‐yx?-?eves ra nĭpmi eni narisah enyx.

⁹ Im Iso yenūwi memokū, Avūgsī, ya kum mantipe nōetē tamas enyx, vī nĭsekom enugkĭk.

¹⁰ Im Iēkob yōmenūwĭ memokū, Eyi, ya kūm magkū, nagkū kĭk emagkū worevī‐yx‐eves, vī ĭtemas enyx, ĭt ya okesi nĭmtum sugkū nagkū nĭpmi eni Nōbū, ĭm kĭmnakī‐woko‐yx.

¹¹ Vī maroko‐yx, ya kum nakīug‐kĭk, ītemas mori enyx okevelum pug kĭk, popōwo Nōbū yivīeves yx, ĭm popōwo ya kum mantipe enyx tamas;

¹² iyi yūrūn‐tagkeli iyi worevī, miyi okevī, mō menūwi memokū, kos mavan, kos mampe, ĭm ya ampum.

¹³ Miyi yōmenūwi memokū, Narisah enyx, kĭk emagkili imō, Ovun nĭtūgeme ĭteivrok, mōvun sĭmsĭmak ūtandio?-?kumpōk, ĭm nagkū irōra woretīen‐tanda ĭtnum sī en dan, sĭmsĭmak omwi sū wamas.

¹⁴ Aremī Narisah enyx ampe worōbūm lĭvsx eni, ĭm ya ontōr‐ōra ūremis ugi horog en irora, mugi horog en irora ōvun nĭtūgeme, mafeli nĭmpugon ya ampelum pugi narisah enyx ra Sier.

¹⁵ Im Iso yōmenūwi memokū, Aremi yx worōwi punok nugkon ra irora ūndū yx, ov netevokontū enyx. Miyi yōmenūwi memokū, Irantiē: aremī kĭk ampī‐yx‐eves wokon, Narisah enyx.

¹⁶ Im Iso yĭmtorĭleki ran dan mori woreve ra Sier.

¹⁷ Im Iēkob yōmavan ra Sukōt, mō mumpi nimō nĭsekon, mō mumpi ōvun ūvrok nĭsekonda, ōvun nūrah eni; popōwo pe sugkū iyi yatov nin nūrū mori memoku, Ovun ūvrok.

¹⁸ Im Iēkob yōĭmpe ra Salem ūntĭmne eni Sikem ra nūrū Kēnan, ra nĭmpugon mori yumprokovelum yĭmnē ra Padanaram miyi yĭmetipe ōvun tent eni ra nokoren ūntĭmne.

¹⁹ Miyi yivasĭgi nūrū mori iyūi yĭpmetipe tent eni; mori ōvun nĭtnĭme eni Hēmor, ĭtemen eni Sikem, yivasi pugi,

²⁰ mō movugi nĭpmi kesitah wun hunder; miyi yumpi nefati iyūi mō mōvrugi ra nokoren‐e‐pe memokū, Nōbū, Nōbū eni Isrēel.