Kenesis 30 - Kenesĭs 1914 Ruth 1932 (Erromanga)

¹ Im Rētyel yokesi yetūvī nĭtnĭ iran Iēkob ĭm Rētyel yĭmesĭgo avĭnsī eni, mō menūwi memokū, Ovo‐yx ōvun nĭtni kū en tawi ya amas.

² Im narakī eni Iēkob yĭmtū?-?gon ĭran Rētyel, miyi yenūwi memokū, Yx sugkū Nōbū kū? mori yĭmorūleki novūan ūnetnĭn marug kĭk.

³ Miyi yenūwi memokū, Pah, Bĭlha nasiven torugat enyx, Eve ūnesog iran, miyi mori ampī ra numpūne?-?terĭn enyx, ĭm ya ampi nĭtni ugi iyi.

⁴ Im Rētyel yovugi iyi Bĭlha nasiven torugat eni retepon eni, ĭm Iēkob yivē pugi ūnesog.

⁵ Im Bĭlha yisara mō ĭmpī nĭtni iran Iēkob.

⁶ Im Rētyel yenūwi memokū, Nōbū ūrian irag, mō morĭgi naviag mō movoyx nĭtni miyi yatov nin eni memokū Dan.

⁷ Im Bĭlha nasivēn torugat eni Rētyel yivī nĭtni sī mōmū iran Iēkob.

⁸ Im Rētyel yōmenūwi memokū. Ugi sxeseleko tamas yx mesxeseleko ūndū avūgsī, ĭm yx ĭm tantevakepe iran, miyi yatov nin eni memokū Naftalī.

⁹ Im Lia yokili yetūvī nĭtni, miyi yĭmtōri Sĭlpa nasiven torugat eni Lia yivī nĭtni iran Iēkob.

¹⁰ Im Lia yenūwi memokū,

¹¹ sī tentūrū umampelum, miyi yatov nin eni memokū Kad.

¹² Im Sĭlpa nasiven torugat eni Lia yōĭmpī sī nĭtni iran Iēkob;

¹³ ĭm Lia yenūwi memokū, Popōwo ugi navos enyx irora ĭtōvasiven wonatov nin enyx magkū nevĭeves; miyi yatov nin eni memokū Asher.

¹⁴ Im Rūben yivē ran dan sū woralekon whit mō mokesi ov novūan sī ūnavonavo, mīyi yivī ĭmpelum irora pugi Lia dĭneme eni ĭm Rētyel yenūwi pugi Lia memokū, ovo‐yx, ya‐kūm nesenug kĭk novūan mori eni nĭtum.

¹⁵ Miyi yĭmtamsi pugi memokū, Kīmagkū virok ūnĭmtum worevī paroko‐yx asūg kū? Kĭk ampī novūan eni nĭtūg sugkū kū? Im Rētyel yenūwi mokū. It iyi onalē ūndū kĭk imō pūmrok ra novūan eni nĭtum.

¹⁶ Im Iēkob ivelum yĭmnē ra netē nūrū pōarap, ĭm Lia yivē ilat worevetet iran, mō menūwi pugi memokū, Kĭk ampelum ūnēsog irag, ĭt ya okesēevasi kĭk ugi novūan eni nĭtūg. Miyi yalē ūndū iyi ĭma pūmrok.

¹⁷ Im Iehōva yorĭgi Lia miyi yōĭmpī nĭtnĭ sūkrĭm‐ugi iran Iēkob.

¹⁸ Im Lia yomenūwi memokū, Iēhōva osī movo‐yx nĭpmi enyx, popōwo yx movugi asūg nasiven torugat enyx; miyi yatov nin eni memokū Isakar.

¹⁹ Im Lia yōmisar mō ĭmpī nĭtnī mĭsekīugi iran Iēkob.

²⁰ Im Lia yenūwi memokū, Iehōva yitalokugi po yx ov ĭtemas ves; marima asūg antĭndōwi ūndū yx, ĭt yx ĭmpī ov nĭtni ĭtnateman sĭkes iran; miyi yatov nin eni memokū Sebūlon.

²¹ Penūri vōĭmpī nĭtnī ĭtnasiven mō matov nin eni memokū Dīna.

²² Im Iehōva yentĭme Rētyel, ĭm Iehōva yorĭgi iyi, mō movugĭ iyi nĭtni eni.

²³ Miyi yisar mō ĭmpī nĭtni mō menūwi memokū, Iehōva yivī pelah narumprum enyx.

²⁴ Miyi yatov nin eni memokū, Yōsef, memokū Iehōva ampo‐yx nĭtni sī mōmū.

²⁵ Mō metepū pol sugkū Rētyel yĭpmevī Yōsef eni Iēkob, Iēkob yenūwi pugi Lēban memokū, Tenĭmpe yx ĭm ya ampe ra nūrū enyx;

²⁶ tenĭmpe po yx ōvun retūg, mōvun nĭtūgeme nĭsekonda mori yx mĭntorugat iran, īm tenĭmpe yx woreve, ĭt e kĭk emagkili ov numpūrah sū enyx morĭ yx numpi nĭsekom.

²⁷ Im Lēban yenūwi pugi memokū, Ya kum mĭntagkelok nagkū kĭk emagkū aremī orokote lap wi, ĭt ya kum magkū magkili ma Iehōva yivīeves yx popōwo ugi kīk.

²⁸ Miyi yōmenūwi memokū, Kĭmagkūn‐tiē ugi nĭpmi enugkĭk, enūwi po yx ĭm ya ampunok.

²⁹ Miyi yenūwi pugi memokū, Kĭk emagkili nokowo yx mĭntorugat iram, ĭm nokowo ovnūrah sū enugkĭk dūti dal yx.

³⁰ It nōete enugkĭk ūrekĭs ra nĭmpugon yx ĭmpelum punok, kō marima nōete enugkĭk apa. Iehōva yivīeves kĭk polekū yx marokote ūndū kĭk, ĭm nĭgī ya antipe nōetē nĭsekonda ra mumpon nimō enyx?

³¹ Miyi yĭmtamsi memokū, Tiē ya ampun‐ok? Im Iēkob yōmenūwi, memokū, kĭk otū ampo‐yx sī en tiē sī, nagkū kĭk onumpi imō nĭsekog ya antĭndōwi mō mavos, ya ofĭnte ōvun sĭmsĭmak sū enugkĭk.

³² Ya avan irē ĭlebōteven sĭmsĭmak sū enugkĭk mō mantipē pelah ōvun niuriur, ĭm tasĭgi‐tasĭgi, īm navilara, dal irora ovun pugipugi, mōvun tasĭgi‐tasĭgi, mōvun niuriur dal irora ōvun nani, mirora mori wanti nĭpmi enyx.

³³ Im tanepō enyx antesūwī nĭsekog ran dan ampelum nĭmpugon irora wampelum ūnĭmtum nĭpmi enyx; omwisū mori tawi niuriur ĭm tasĭgi‐tasĭgi dal irora ōvun nani, ĭm navilara dal ōvun pugipugi sū enyx, irora mori wanti numprok.

³⁴ Im Lēban yĭmtamsi memokū, Pah aremī nagkū antepū sugkū nam enugkĭk.

³⁵ Ran dan mori iyi yetipe pelah ōvun nani ĭtnateman toritori ĭm niuriur, mov nani itnasiven niuriur ĭm tasĭgi‐tasĭgi, momwisū gi tasĭgi nesebo mirora navilara dal irora ov nĭtni ōvun pugipugi, mō movugi ōvun nĭtnĭme eni.

³⁶ Miyi yetipe woravan dan desel ĭlebōteven iyi ĭm Iēkob; ĭm Iēkob yovugon‐ōra ōvun sĭmsĭmak sū eni Lēban.

³⁷ Im Iēkob yivī telie‐nē poplar ĭterĭmtē, mō marugi nē hēsel ĭm yesnut, mō metipe memsara ra nesebo iranda, yumpi woretūratumpeni nesebo ūnesog irora.

³⁸ Miyi yetipe telie‐nē mori ūnimĭnda ōvun sĭmsĭmak sū ra nxipe ĭm ra nūrah sū woromoneki pol sugkū ōvun sĭmsĭmak sū dūve woromoneki nū ma irora wonati potni worisa ra nĭmpugon dūve woromoneki.

³⁹ Mōvun sĭmsĭmak sū dūsar, ra mokoren ōvun telie‐nē mō mūvī nĭtĭn deme toritori ĭm nelumelum ĭm niuriur.

⁴⁰ Im Iēkob yitampoli ōvun ĭtni pugipugi, mō metipe ov nimĭnda sĭmsĭmak sū mesareki ov navilara mōvum tōritori dal irora sĭmsĭmak eni Lēban; miyi yetipe pelah sĭmsĭmak eni, metū tipe dal ōvun sĭmsĭmak sū eni Lēban.

⁴¹ Mō metepū pol sugkū ov nūrah mori horog ra sĭmsĭmak dūsar Iēkob yetipe telie‐nē ūnimĭnda ov nūrah sū ra nxipe ma irora wosar ra nokoren ōvun telie‐nē.

⁴² Im nĭmpugon ov nūrah sū dūmūremlĭmlū yetūtipe ōvun telie‐nē, mōvun neteremlĭmlū eni Lēban, mōvun morugo eni Iēkob.

⁴³ Miyi neteme mori yetepū horogesah tamas dūti ov nūrah sū sikat eni, mōvun torugat ĭtnasiven, mōvun torugat ĭtnateman mōvun kamel mōvun as.